فوتو: depositphotos.com
تٷركٸستان وبلىسىندا سوت تويدا ەن شىرقاعانى ٷشٸن كەلٸنٸن بٸرنەشە رەت ۇرعان بۇرىنعى قايىن اتاسىن ٷيقاماققا جٸبەردٸ, - دەپ حابارلايدى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
"كٷدٸكتٸ ۇستالىپ, ۋاقىتشا ۇستاۋ يزولياتورىنا قاماۋعا الىندى. سوت سانكتسيياسىمەن وعان تەرگەۋ اياقتالعانعا دەيٸن ٷيقاماق تٷرٸندەگٸ بۇلتارتپاۋ شاراسى قولدانىلدى", – دەلٸنگەن حابارلامادا.
ۆەدومستۆو ٶكٸلدەرٸ بۇل وقيعاعا قاتىستى قىلمىستىق كودەكستٸڭ 293-بابى, 1-بٶلٸگٸ ("بۇزاقىلىق") بويىنشا سوتالدى تەرگەۋ جٷرگٸزٸلٸپ جاتقانىن, وقيعانىڭ بارلىق مەن-جايىن انىقتاۋعا باعىتتالعان تەرگەۋ امالدارى جالعاسىپ جاتقانىن ايتتى. تەرگەۋ قورىتىندىسى بويىنشا پروتسەستٸك شەشٸم قابىلدانباق.
ەر ادامنىڭ تاراپىنان بولعان قوقان-لوقى تۋرالى پوليتسيياعا شاعىم تٷسپەگەنٸ ناقتىلاندى.
"سونىمەن قاتار, تەرگەۋ اياسىندا بارلىق ۋەج قارالىپ, وقيعاعا قاتىسى بار ادامدارعا قۇقىقتىق باعا بەرٸلەدٸ", – دەپ تولىقتىردى باسپاسٶز قىزمەتٸ.
ەسكە سالايىق, وقيعا 31 تامىزدا تٷركٸستان وبلىسى تٶلەبي اۋدانىنداعى "زاعامبار" مەيرامحاناسىندا بولعان. تويدا ەن ايتىپ تۇرعان 27 جاستاعى ازودا تۇرسىنمۇرادوۆاعا بۇرىنعى كٷيەۋٸنٸڭ ەكەسٸ كەنەت تاپ بەرٸپ, بٸرنەشە رەت ۇرعان. جەبٸرلەنۋشٸنٸڭ ايتۋىنشا, ەر ادام قاتتى ماس بولعان.
