Londonnyń «Tottenhem» fýtbol klýby bas jattyqtyrýshy Joze Moýriniýdi otstavkaǵa jiberý týraly sheshim qabyldady, dep habarlaidy Euronews.
Klýb basshylyǵy komandanyń osy maýsymdaǵy jetistikterine kóńili tolmady. Qazir komanda «Premer-ligada» jetinshi orynda.
58 jastaǵy portýgaldyq jattyqtyrýshy 2019 jyldyń qarasha aiynan bastap argentinalyq Maýrisio Pochettinonyń ornyn almastyryp, komandany basqardy. Moýrinomen birge onyń jattyqtyrýshylar shtabynyń músheleri — Joao Sakramento, Nýný Santýsh, Karlos Lalin jáne Djovanni Serra da komandadan ketedi.
Buqaralyq aqparat quraldary Moýrinonyń izbasarlary retinde «Leiptsigtiń» bas bapkeri Iýlian Nagelsman men qazir «Lester Sitidi» basqaryp otyrǵan Brendan Rodjersti ataýda.
Ázirge komandany «Tottenhem» fýtbol mektebiniń tárbielenýshisi Raian Meison jattyqtyrady.
