Foto: t.me/s/aqorda_resmi
Syrym Sháriphanov tótenshe jaǵdailar ministri qyzmetine taǵaiyndaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysynyń Jarlyǵymen Syrym Dúisenǵazyuly Sháriphanov Qazaqstan Respýblikasynyń Tótenshe jaǵdailar ministri laýazymyna taǵaiyndaldy", - delingen Jarlyq mátininde.
Sháriphanov Syrym Dúisenǵazyuly 1967 jyly 1 mamyrda Almaty qalasynda dúniege kelgen.
1991 jyly Qazan qalasyndaǵy M.Chistiakov atyndaǵy Zymyran áskerleriniń joǵary áskeri komandalyq-injenerlik ýchilishesin támamdady. Tehnika ǵylymdarynyń doktory, general-maior.
Ol eńbek jolynda azamattyq qorǵanys júiesinde túrli laýazymdar men basshylyq qyzmetterdi atqardy.
1997 jylǵy maýsymnan 1999 jylǵy aqpanǵa deiin – Jambyl oblystyq tótenshe jaǵdailar basqarmasynyń Daiyndyq jáne oqytý ortalyǵynyń bastyǵy.
2008 jylǵy qyrkúiekten 2010 jylǵy aqpanǵa deiin – Almaty qalasy Tótenshe jaǵdailar departamenti Azamattyq qorǵanys basqarmasynyń bastyǵy.
2014 jylǵy qazannan 2020 jylǵy qarashaǵa deiin – Qazaqstan Respýblikasy Ishki ister ministrligi Tótenshe jaǵdailar komitetine qarasty Kókshetaý tehnikalyq institýtynyń bastyǵy.
2021 jyldyń 3 qyrkúieginen búginge deiin – Qazaqstan Respýblikasy Tótenshe jaǵdailar ministrligine qarasty Málik Ǵabdýllin atyndaǵy Azamattyq qorǵaý akademiiasynyń bastyǵy qyzmetin atqardy.
