Parlament Senaty Halyqaralyq qatynastar, qorǵanys jáne qaýipsizdik komitetiniń tóraǵasy Muhtar Qul-Muhammed jeke Tótenshe jaǵdailar ministrligin qurýǵa qatysty pikir bildirdi, dep habarlaidy "Ult aqparat".
«Kóptegen memleketterde jeke ministrlik bolyp otyrǵan Tótenshe jaǵdailar ministrligi deitin úlken vedomstvo bar. Eger Qazaqstannyń jer kólemi álemdegi toǵyzynshy memleket deitin bolsaq, onda mundai úlken memlekette Tótenshe jaǵdailar jónindegi komitettiń jeke-dara ministrlik bolýǵa tolyq quqy bar. Ázirge, bul sala Ishki ister ministrliginiń quramynda bolyp otyr. Mine, sol sebepti bul ministrliktiń jumysy Senattyń nazarynda bolǵan jáne bolyp qala beredi», - dedi M. Qul-Muhammed Parlament Senatyndaǵy Úkimet saǵatynda 2019-2021 jyldarǵa arnalǵan ishki ister organdaryn jańǵyrtý boiynsha Jol kartasyn iske asyrý taqyrybyn talqylaý barysynda.
Budan buryn habarlanǵandai, Senattaǵy Úkimet saǵatynda QR Ishki ister ministri Erlan Turǵymbaev politseilerdiń sany 11 paiyzǵa qysqartylǵanyn aitty.
