Beeline trafiktiń qanshalyqty qoldanylyp jatqanyn baqylaýda ustaidy. Bul týraly Ortalyq komýnikatsiialar qyzmetinde ótken onlain brifingte Beeline Qazaqstannyń bas atqarýshy direktory Evgenii Nastradin aitty, dep habarlaidy QazAqparat.
«Tótenshe jaǵdai rejimi engizilgen kezden bastap jalpy alǵanda júkteme 10% ósti. Bul aitarlyqtai shekten tys júkteme dep aitýǵa kelmeidi. Úi jaǵdaiyndaǵy Beeline qyzmetine qatysty júkteme aitarlyqtai joǵary. Ornalasqan aýdan, lokatsiiasyna bailanysty júkteme eń kóp degende 30% ósti. Sondai-aq, trafikti anyqtaý kartasy da aitarlyqtai ózgerip ketti. Karantin rejimi engennen keiin adamdar úide otyrǵandyqtan, internetke úi jaǵdaiynda tirkelýde. Sondyqtan úiden tirkelgen trafikte aitarlyqtai ósim bar. Qala syrtyndaǵy aýyldar siiaqty internetke úiden qosylýǵa múmkindigi joq jerlerde mobildi jelige túsetin júkteme kóp», - deidi Beeline Qazaqstannyń bas atqarýshy direktory Evgenii Nastradin.
Ol osyndai jaǵdaiǵa daiyndyq erterek bastalǵanyn aitty.
«Qańtar aiynda Qytaida epidemiia tarala bastaǵan kezde qytailyq tasymaldaýshylar qandai jaǵdai bolyp jatqany týraly aqparatpen bólisken bolatyn. Sondyqtan keibir sharany qańtar, aqpan aiynda qabyldap qoidyq. Biz tirek jeli, mobildi jeli jáne tasymaldaý arnalarynyń kólemin keńeite bastadyq. Qazirgi ýaqytta daiyndap qoiǵan rezerv jetedi. Beeline-ǵa qatysty apatty jaǵdai tirkelgen joq. Trafiktiń qanshalyqty qoldanylyp jatqanyn baqylaýda ustaimyz jáne artyq júkteme boldyrmaýǵa kúsh salamyz», - deidi ol.
Sonymen qatar ol Beeline 2020 jylǵa josparlanǵan jelini jańǵyrtý, arnalardy keńeitý jáne apatty jaǵdailardy qalpyna keltirý jumystaryn jalǵastyryp jatqandyǵyn aitty.
«Jalpy alǵanda elimizdegi barlyq operatorlarmen birigip, myńnan astam eldi mekendi keń jolaqty internetpen qamtamasyz etýdi josparlaǵan bolatynbyz. Mysaly, Beeline biyl qosymsha 76 eldi mekendi internetke qosty», - deidi Beeline Qazaqstannyń bas atqarýshy direktory Evgenii Nastradin.
Ol jelimen qamtý – daǵdarysqa qarsy sharalarǵa qosqan jalǵyz úles emes ekenin jetkizdi.
«Biz tótenshe jaǵdai kezinde bilim berý resýrstary úshin internettiń tegin qoljetimdi bolýyn qamtamasyz ettik. Beeline 16 myń dárigerdi limitsiz internetpen qamtamasyz etti. Zeinetkerler men múgedekter, basqasha aitqanda áleýmettik tariftegi 100 myńnan astam tutynýshyǵa tegin qyzmet usynyldy», - deidi ol.
