Tótenshe jaǵdai rejimin buzǵan azamattarǵa on ailyq eseptik kórsetkish mólsherinde aiyppul salynady nemese on bes táýlikke qamaýǵa alynady. Bul týraly Almaty qalasy politsiia departamentiniń basshysy Qanat Taimerdenov Almatyda ótken brifingte aitty, dep habarlaidy Sputnik Qazaqstan.
"Tótenshe jaǵdai rejimin buzý nemese tótenshe jaǵdaidyń jariialanýyna bailanysty talaptardy oryndamaý on ailyq eseptik kórsetkish mólsherinde aiyppul salýǵa nemese on bes táýlikke deiin ákimshilik qamaýǵa alýǵa ákeledi", - dedi Taimerdenov.
Sonymen qatar tótenshe jaǵdai jariialanǵan jerdegi bilik ókiliniń zańdy talabyna nemese ókimine baǵynbaǵandarǵa eki myń ailyq eseptik kórsetkishke deiin aiyppul salynady.
"Nemese túzeý jumystary qoldanylady, bolmasa 600 saǵatqa deiin qoǵamdyq jumysqa tartylady. Sonymen qatar eki jylǵa deiin bas bostandyǵy shekteledi nemese sol merzimge deiin bas bostandyǵynan aiyrylady", - dedi politsiia bastyǵy.
"Elimizdiń aýmaǵynda memleket basshysynyń ókimimen tótenshe jaǵdai jariialandy. Osy oraida qala garnizonynyń jeke quramy qyzmet etýdiń kúsheitilgen deńgeiine kóshti. Politsiianyń negizgi mindeti qoǵamdyq qaýipsizdikti saqtaý men azamattardyń qaýipsizdigin qamtamasyz etý. Basqa da memlekettik organdarmen birige otyryp, infektsiiaǵa dýshar bolǵan azamattarmen qatynasta bolǵan tulǵalar izdestirilip jatyr. Qazir 798 azamat anyqtalyp, olar meditsinalyq mekemelerge jetkizildi", - dedi Taimerdenov.
Aita keteiik, Almaty qalasynda asa mańyzdy memlekettik nysandar men mekemeler táýlik boiy kúzetiledi.
Almaty shekarasynan kólikterdiń kirip-shyǵýyna shekteý qoiylady, osyǵan bailanysty qalanyń barlyq kireberisine jáne 10 magistralǵa 27 blok-post qoiylady.
Koronavirýske qarsy sharalar
Sońǵy málimet boiynsha, Qazaqstanda koronavirýs juqtyrǵandar sany 35 adamǵa jetti. Nur-Sultanda – 18 adam, Almaty qalasynda – 17 adam.
Prezident Qasym-Jomart Toqaevtyń sheshimimen 16 naýryzdan bastap Qazaqstanda tótenshe jaǵdai jariialandy. Ol 30 táýlikke jalǵasady.
19 naýryzdan bastap Nur-Sultan men Almaty karantinge jabylady. Prezident janyndaǵy tótenshe jaǵdai rejimin qamtamasyz etý jónindegi memlekettik komissiia Qazaqstannyń basqa qalalaryna koronavirýstyń taralýyna jol bermes úshin osyndai sheshim shyǵardy.
Ishki ister ministrligi Nur-Sultan men Almaty qalasynyń ainalasynda kólik pen adam qozǵalysyn shekteý úshin arnaiy blok-posttar ornatady. Nur-Sultan men Almatyǵa osy qalalarda tirkelgen azamattar ǵana kire alady.
