Tótenshe jaǵdai rejimi merziminen buryn da toqtatylýy yqtimal. Bul jaiynda QR Prezidentiniń keńesshisi Erlan Karin Facebook paraqshasynda jazdy, dep habarlaidy "Ult aqparat".
«Qazaqstan tótenshe jaǵdaidy engizgen jalǵyz memleket emes. Tótenshe jaǵdai tártibi AQSh, Italiia, Bolgariia, Serbiia, Estoniia, Rýmyniia, Chehiia jáne basqa da elderde engizilgen. Birqatar memleketter virýstyń taralýy keń etek jaiyp jáne jaǵdai baqylaýdan shyǵa bastaǵan kezde ǵana tótenshe jaǵdaidy engizýge májbúr boldy. Qazaqstandyq bilik tótenshe jaǵdaidy aldyn alý sharasy retinde engizýde. Bul rette, bizdiń bilik jedel ári ilgeri áreket etýde. Tótenshe jaǵdai rejimin engizý - ýaqytsha shara. Ol uzartylýy da múmkin», - dep jazdy Prezidenttiń keńesshisi.
Onyń atap ótýinshe, elimizde epidemiologiialyq jaǵdai ýshyqpasa, onda tótenshe jaǵdai rejimi merziminen buryn da toqtatylýy yqtimal.
«Biraq ázirge bárimiz — memlekettik organdar, biznes pen azamattar jańa jaǵdaiǵa ikemdelýi tiis. Basty basymdylyq — xalqymyzdyń densaýlyǵy», - dedi Erlan Karin.
