QR Syrtqy ister ministrligi tótenshe jaǵdai rejimi engizilgen kezde el shekarasynan kimderdiń ótýine shekteý qoiylatyndyǵyn naqtylady, dep habarlaidy "Ult aqparat".
Ministrlik taratqan aqparattarǵa qaraǵanda, Qazaqstan Respýblikasynda 2020 jylǵy 16 naýryzdaǵy saǵat 08.00-den bastap tótenshe jaǵdaidyń engizilýine bailanysty onyń qoldanylý kezeńinde kelesi sharalar qabyldanatyn bolady:
1. Tótenshe jaǵdai qoldanylatyn kezeńde Qazaqstan Respýblikasynyń azamattary men sheteldikterdiń memlekettik shekara arqyly kirýine - shyǵýyna shekteý engiziletin bolady.
Tómendegi jaǵdailardan basqa:
Buryn shet memlekettiń aýmaǵyna shyqqan jáne Qazaqstan Respýblikasyna qaityp kelgen Qazaqstan Respýblikasynyń azamattary;
Densaýlyq saqtaý mekemeleriniń rastaityn qujattaryn usynyp, shetelge emdelýge shyǵatyn Qazaqstan Respýblikasynyń azamattary;
Osyǵan deiin Qazaqstan Respýblikasynyń aýmaǵyna kirgen jáne elden shyǵatyn sheteldikter;
Elimizdiń jáne shet memleketterdiń diplomatiialyq qyzmet personaly jáne olardyń otbasy músheleri, sondai-aq Qazaqstan Respýblikasy Syrtqy ister ministrliginiń shaqyrýy boiynsha Qazaqstanǵa keletin shet memleketter men halyqaralyq uiymdardyń delegatsiialarynyń músheleri;
Poezdyq jáne lokomotiv brigadalarynyń, áýe jáne teńiz kemeleri ekipajdarynyń músheleri;
Qazaqstan Respýblikasynyń aýmaǵyndaǵy sheteldik transshekaralyq qurylystarǵa qyzmet kórsetetin personal jáne shektes memleketterdiń aýmaǵyndaǵy qazaqstandyq transshekaralyq qurylystarǵa qyzmet kórsetetin personal;
Shekteýlerdi engizgenge deiin (2020 jylǵy 16 naýryz saǵat 08.00-ge deiin) jolǵa shyqqan jáne tranzittik jolaýshylar poezymen jolda kele jatqan sheteldikter;
Qazaqstan Respýblikasynyń aýmaǵynda turýǵa yqtiiarhattary bar sheteldikter (azamattyǵy joq tulǵalar);
Qazaqstan Respýblikasy azamatynyń otbasy múshesi bolyp tabylatyn shetel azamaty (týystyq bailanys faktisi rastalǵan jaǵdaida – jubaiy (zaiyby), olardyń ata-analary men balalary).
2. Taraptar azamattaryna shuǵyl meditsinalyq kómek kórsetý úshin júgingen jaǵdailardy qospaǵanda, Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy Qazaqstan Respýblikasynyń jáne Resei Federatsiiasynyń shekara mańyndaǵy aýmaqtary turǵyndarynyń Qazaqstan-Resei memlekettik shekarasyn kesip ótý tártibi týraly kelisimge sáikes jumys isteitin Qazaqstan-Resei memlekettik shekarasyndaǵy ótkizý oryndary arqyly jergilikti turǵyndardy ótkizý toqtatyla tursyn.
Transshekaralyq qurylystar – memlekettik shekarany kesip ótetin temirjoldar, avtomobil joldary, qubyrlar, elektr berý jelileri, kabelder, kópirler, bógetter, shliýzder, sý arnalarynyń qurylystary jáne basqa da qurylystar, sondai-aq taraptardyń biriniń shekara mańyndaǵy aýmaq (shekara aimaǵy) sheginde, ekinshi Tarap memleketiniń aýmaǵyndaǵy obektileri.
