Elorda ákimi Altai Kólginovtiń tóraǵalyǵymen Tótenshe jaǵdailardyń aldyn alý jáne joiý jónindegi komissiianyń otyrysy ótti, dep habarlaidy "Ult aqparat" qala ákiminiń baspasóz hatshysy Aqmaral Oljabaevaǵa silteme jasap.
Qalanyń azamattyq qorǵaý qyzmetteri táýlik boiy kúsheitilgen qyzmet atqarý nusqasyna kóshti. Qoǵamdyq tártipti, halyqtyń tynys - tirshiligin jáne kóliktiń jumys isteýin qamtamasyz etetin obektilerdi, asa mańyzdy memlekettik jáne strategiialyq, erekshe rejimdi, rejimdik jáne erekshe qorǵalatyn obektilerdi qorǵaý kúsheitildi.
Osylaisha:
- Iri saýda nysandary men saýda oiyn-saýyq ortalyqtarynyń jumys isteýine shekteý qoiylady, olar saǵat 10.00-den 18.00-ge deiin jumys isteidi (azyq-túlik dúkenderi men sýpermarketterdi qospaǵanda);
- Azyq-túlik dúkenderi, sýpermarketter men azyq-túlik bazarlary sanitarlyq jáne dezinfektsiialyq sharalardy kúsheite otyryp, ádettegi rejimde jumys isteidi.
- Kiim-keshek bazarlary saǵat 11.00-den 17.00-ge deiin jumys jasaidy. Sanitarlyq jáne dezinfektsiialyq sharalar kúsheitiledi. Qoǵamdyq tamaqtaný oryndarynda, saýda oiyn-saýyq ortalyqtaryndaǵy fýd-korttar dezinfektsiiadan ótip turady;
- Azyq-túlik qaýipsizdigi sharalaryn tiimdi iske asyrý qamtamasyz etilip jatyr, onyń ishinde áleýmettik mańyzy bar azyq-túlik taýarlaryn jetkizý men baǵany turaqtandyrý qamtamasyz etilýde;
- Qoǵamdyq kólikter qalypty rejimde jumys isteidi. Sońǵy aialdama pýnkterinde avtobýstar dezinfektsiiadan ótedi.
- Balabaqshalar qalypty rejimde jumys isteidi. Meditsinalyq jáne sanitarlyq baqylaý kúsheitiledi. Balany aparý ne aparmaýdy ata-ana ózi sheshedi.
-Mektepten tys qosymsha bilim berý obektileriniń (oqýshylar saraiy, shyǵarmashylyq sarailary, aýla klýbtary, úiirmeler, sektsiialar, kompiýterlik klýbtar) qyzmeti toqtatyldy; sondai-aq barlyq sport nysandary jabyldy. Oqý-jattyǵý jiyndary, sport túrleri boiynsha jattyǵýlar, barlyq deńgeidegi jarystar toqtatyldy;
- Oiyn-saýyq, sporttyq (kórermenderdiń qatysýynsyz ótetinderdi qospaǵanda) jáne basqa da buqaralyq is-sharalardy, sondai-aq otbasylyq, salt-dástúr is-sharalaryn ótkizýge tyiym salynady;
- Kinoteatr, teatrlardyń, kórmelerdiń jáne kóńil kóterý oryndarynyń (túngi klýbtar, karaoke, bar, kompiýterlik klýbtar, fitnes-ortalyqtar, jattyǵý zaldary, basseinder) jáne adamdar kóp jinalatyn basqa da nysandardyń qyzmeti toqtatyldy;
- Meiramhana, dámhanalardyń jáne ózge de qoǵamdyq tamaqtaný oryndarynyń jumys ýaqyty 22.00 saǵatqa deiin shekteldi, bul rette bir jolǵy adamdar sany 50-ge deiin shekteledi;
- Dámhana men meiramhanalarda jáne basqa jerlerde kaliandardy paidalanýǵa tyiym salynady;
- Mekemelerge qyzmetkerlerin qashyqtan jumys jasaý rejimine aýystyrý usynyldy.
Sondai-aq densaýlyq saqtaý obektilerinde jáne qart kisiler men múmkindigi shekteýli jandarǵa arnalǵan meditsinalyq-áleýmettik obektilerde, áleýmettik ońaltý ortalyqtarynda, balalar úiinde, erekshe qajettiligi bar balalarǵa arnalǵan oqý oryndarynda, internattarda sanitarlyq-dezinfektsiialyq rejim kúsheitildi. Olarǵa kelýshilerge tyiym salyndy.
Koronavirýs infektsiiasy jaǵdaiynda onyń órshýine jol bermei, joiýǵa meditsinalyq obektilerdiń daiyndyǵy qamtamasyz etildi. Koronavirýs infektsiiasy anyqtalǵan jaǵdaida naýqastardy aýrýhanaǵa jatqyzý qamtamasyz etildi, meditsinalyq tekserýden ótýge jáne emdelýden bas tartqan, karantin rejimin saqtaýǵa beijai qarap, epidemiologiialyq jaǵdaidy jáne basqa jaǵdailardy anyqtaýda qolynda bar málimetterdi jasyrǵan kisilerge baqylaý kúsheitildi.
