ەلوردا ەكٸمٸ التاي كٶلگٸنوۆتٸڭ تٶراعالىعىمەن تٶتەنشە جاعدايلاردىڭ الدىن الۋ جەنە جويۋ جٶنٸندەگٸ كوميسسييانىڭ وتىرىسى ٶتتٸ, دەپ حابارلايدى "ۇلت اقپارات" قالا ەكٸمٸنٸڭ باسپاسٶز حاتشىسى اقمارال ولجاباەۆاعا سٸلتەمە جاساپ.
قالانىڭ ازاماتتىق قورعاۋ قىزمەتتەرٸ تەۋلٸك بويى كٷشەيتٸلگەن قىزمەت اتقارۋ نۇسقاسىنا كٶشتٸ. قوعامدىق تەرتٸپتٸ, حالىقتىڭ تىنىس - تٸرشٸلٸگٸن جەنە كٶلٸكتٸڭ جۇمىس ٸستەۋٸن قامتاماسىز ەتەتٸن وبەكتٸلەردٸ, اسا ماڭىزدى مەملەكەتتٸك جەنە ستراتەگييالىق, ەرەكشە رەجيمدٸ, رەجيمدٸك جەنە ەرەكشە قورعالاتىن وبەكتٸلەردٸ قورعاۋ كٷشەيتٸلدٸ.
وسىلايشا:
- ٸرٸ ساۋدا نىساندارى مەن ساۋدا ويىن-ساۋىق ورتالىقتارىنىڭ جۇمىس ٸستەۋٸنە شەكتەۋ قويىلادى, ولار ساعات 10.00-دەن 18.00-گە دەيٸن جۇمىس ٸستەيدٸ (ازىق-تٷلٸك دٷكەندەرٸ مەن سۋپەرماركەتتەردٸ قوسپاعاندا);
- ازىق-تٷلٸك دٷكەندەرٸ, سۋپەرماركەتتەر مەن ازىق-تٷلٸك بازارلارى سانيتارلىق جەنە دەزينفەكتسييالىق شارالاردى كٷشەيتە وتىرىپ, ەدەتتەگٸ رەجيمدە جۇمىس ٸستەيدٸ.
- كيٸم-كەشەك بازارلارى ساعات 11.00-دەن 17.00-گە دەيٸن جۇمىس جاسايدى. سانيتارلىق جەنە دەزينفەكتسييالىق شارالار كٷشەيتٸلەدٸ. قوعامدىق تاماقتانۋ ورىندارىندا, ساۋدا ويىن-ساۋىق ورتالىقتارىنداعى فۋد-كورتتار دەزينفەكتسييادان ٶتٸپ تۇرادى;
- ازىق-تٷلٸك قاۋٸپسٸزدٸگٸ شارالارىن تيٸمدٸ ٸسكە اسىرۋ قامتاماسىز ەتٸلٸپ جاتىر, ونىڭ ٸشٸندە ەلەۋمەتتٸك ماڭىزى بار ازىق-تٷلٸك تاۋارلارىن جەتكٸزۋ مەن باعانى تۇراقتاندىرۋ قامتاماسىز ەتٸلۋدە;
- قوعامدىق كٶلٸكتەر قالىپتى رەجيمدە جۇمىس ٸستەيدٸ. سوڭعى ايالداما پۋنكتەرٸندە اۆتوبۋستار دەزينفەكتسييادان ٶتەدٸ.
- بالاباقشالار قالىپتى رەجيمدە جۇمىس ٸستەيدٸ. مەديتسينالىق جەنە سانيتارلىق باقىلاۋ كٷشەيتٸلەدٸ. بالانى اپارۋ نە اپارماۋدى اتا-انا ٶزٸ شەشەدٸ.
-مەكتەپتەن تىس قوسىمشا بٸلٸم بەرۋ وبەكتٸلەرٸنٸڭ (وقۋشىلار سارايى, شىعارماشىلىق سارايلارى, اۋلا كلۋبتارى, ٷيٸرمەلەر, سەكتسييالار, كومپيۋتەرلٸك كلۋبتار) قىزمەتٸ توقتاتىلدى; سونداي-اق بارلىق سپورت نىساندارى جابىلدى. وقۋ-جاتتىعۋ جيىندارى, سپورت تٷرلەرٸ بويىنشا جاتتىعۋلار, بارلىق دەڭگەيدەگٸ جارىستار توقتاتىلدى;
- ويىن-ساۋىق, سپورتتىق (كٶرەرمەندەردٸڭ قاتىسۋىنسىز ٶتەتٸندەردٸ قوسپاعاندا) جەنە باسقا دا بۇقارالىق ٸس-شارالاردى, سونداي-اق وتباسىلىق, سالت-دەستٷر ٸس-شارالارىن ٶتكٸزۋگە تىيىم سالىنادى;
- كينوتەاتر, تەاترلاردىڭ, كٶرمەلەردٸڭ جەنە كٶڭٸل كٶتەرۋ ورىندارىنىڭ (تٷنگٸ كلۋبتار, كاراوكە, بار, كومپيۋتەرلٸك كلۋبتار, فيتنەس-ورتالىقتار, جاتتىعۋ زالدارى, باسسەيندەر) جەنە ادامدار كٶپ جينالاتىن باسقا دا نىسانداردىڭ قىزمەتٸ توقتاتىلدى;
- مەيرامحانا, دەمحانالاردىڭ جەنە ٶزگە دە قوعامدىق تاماقتانۋ ورىندارىنىڭ جۇمىس ۋاقىتى 22.00 ساعاتقا دەيٸن شەكتەلدٸ, بۇل رەتتە بٸر جولعى ادامدار سانى 50-گە دەيٸن شەكتەلەدٸ;
- دەمحانا مەن مەيرامحانالاردا جەنە باسقا جەرلەردە كاليانداردى پايدالانۋعا تىيىم سالىنادى;
- مەكەمەلەرگە قىزمەتكەرلەرٸن قاشىقتان جۇمىس جاساۋ رەجيمٸنە اۋىستىرۋ ۇسىنىلدى.
سونداي-اق دەنساۋلىق ساقتاۋ وبەكتٸلەرٸندە جەنە قارت كٸسٸلەر مەن مٷمكٸندٸگٸ شەكتەۋلٸ جاندارعا ارنالعان مەديتسينالىق-ەلەۋمەتتٸك وبەكتٸلەردە, ەلەۋمەتتٸك وڭالتۋ ورتالىقتارىندا, بالالار ٷيٸندە, ەرەكشە قاجەتتٸلٸگٸ بار بالالارعا ارنالعان وقۋ ورىندارىندا, ينتەرناتتاردا سانيتارلىق-دەزينفەكتسييالىق رەجيم كٷشەيتٸلدٸ. ولارعا كەلۋشٸلەرگە تىيىم سالىندى.
كوروناۆيرۋس ينفەكتسيياسى جاعدايىندا ونىڭ ٶرشۋٸنە جول بەرمەي, جويۋعا مەديتسينالىق وبەكتٸلەردٸڭ دايىندىعى قامتاماسىز ەتٸلدٸ. كوروناۆيرۋس ينفەكتسيياسى انىقتالعان جاعدايدا ناۋقاستاردى اۋرۋحاناعا جاتقىزۋ قامتاماسىز ەتٸلدٸ, مەديتسينالىق تەكسەرۋدەن ٶتۋگە جەنە ەمدەلۋدەن باس تارتقان, كارانتين رەجيمٸن ساقتاۋعا بەيجاي قاراپ, ەپيدەميولوگييالىق جاعدايدى جەنە باسقا جاعدايلاردى انىقتاۋدا قولىندا بار مەلٸمەتتەردٸ جاسىرعان كٸسٸلەرگە باقىلاۋ كٷشەيتٸلدٸ.
