QR Ishki ister ministri Erlan Turǵymbaev ishki ister organdary júrgizetin qaýipsizdik sharalary týraly aityp berdi, dep habarlaidy QazAqparat.
«Elimizdegi tótenshe jaǵdai kezinde ishki ister organdary qaýipsizdikti qamtamasyz etip jatyr. Qoǵamdyq tártipti qamtamasyz etý jáne urlyq pen tonaý faktilerin boldyrmaý úshin sharalar qabyldanýda. Tótenshe jaǵdai jariialanǵan kezden bastap, elimiz boiynsha qylmys sany 22%-ǵa azaidy», - dedi ministr Ortalyq kommýnikatsiialyq qyzmette ótken brifngte.
Ministr 28 naýryzdan bastap Nur-Sultan jáne Almaty qalalarynda karantin rejimi kúsheigenin eske saldy.
«Mekemeler jumysy toqtady, úiden shyǵýǵa shekteý qoiyldy. Adam kóp jinalatyn oryndar jabyldy. Kóshede úsh adamnan kóp jinalýǵa, sondai-aq jasóspirimderge jalǵyz júrýge bolmaidy. Tek qana úsh jaǵdailarda kóshege shyǵýǵa bolady: azyq-túlik, dári-dármek alýǵa, nemese aýrýhanaǵa jáne tek jumysqa barýǵa ruqsat etiledi. Basqa kezde shyǵýǵa tyiym salynady», - dedi E. Turǵymbaev.
