QR Aýyl sharýashylyǵy ministrligi tótenshe jaǵdai kezinde qandai aýyl sharýashylyǵy ónimderin kvota boiynsha eksporttaýǵa bolatyny jáne qandai azyq-túlik taýarlaryn elden shyǵarýǵa tolyq tyiym salynǵany týraly jańa málimdeme jasady, dep habarlaidy "Ult aqparat".
«Ministrlikke aýyl sharýashylyǵy ónimderin eksporttaýdy shekteý jáne tyiym salý boiynsha kóptegen saýaldar kelip túsýde. Aqparat alý úshin fermerler de, jýrnalister de júginýde. Sondyqtan kópti tolǵandyrǵan saýaldarǵa naqty jáne tolyq aqparat daiyndaldy», - delingen QR AShM baspasóz qyzmeti taratqan habarlamada.
Aǵymdaǵy jyldyń 2 sáýirinde respýblika kóleminde azyq-túlik qory qaita naqtylanyp, taldaýdan keiin, sondai-aq treiderler men AShTÓ ótinishterine bailanysty QR Aýyl sharýashylyǵy ministriniń «Qazaqstan Respýblikasynyń aýmaǵynan jekelegen taýarlardy shyǵarýdyń keibir máseleleri týraly» №111 jańa buiryǵy daiyndaldy. Qujat QR saýda jáne integratsiia ministrligimen kelisildi jáne 2020 jylǵy 1 qyrkúiekke deiin qoldanysqa engiziledi.
Atalmysh normativtik aktte taýarlardyń tizbesi qaita qaralǵan jáne «Qazaqstan Respýblikasynyń aýmaǵynan úshinshi elderge jekelegen taýarlardy shyǵarýǵa tyiym salýdy engizý týraly» 2020 jylǵy 22 naýryzdaǵy burynǵy buiryqtyń kúshin joiady.
Atap aitqanda, № 111 buiryǵynyń № 1 qosymshasynda Qazaqstan Respýblikasynyń aýmaǵynan shyǵarýǵa tyiym salynǵan taýarlardyń tizbesi kórsetilgen. Onda:
- qaraqumyq;
- aq qant;
- kartop;
- balǵyn nemese salqyndatylǵan piiaz, shalot piiazy, sarymsaq, porei piiazy jáne ózge de badanalyq kókónister;
- kúnbaǵys, untaqtalǵan nemese untaqtalmaǵan tuqymdary;
- kúnbaǵys maiy;
- qaraqumyq jarmasy bar.
№ 2 qosymshada elden shyǵarýǵa (eksporttaýǵa) shekteýler (kvotalar) engiziletin taýarlardyń tizbesi bekitildi. Bul:
- sábiz, shalqan (repa), qyzylsha;
- oramjapyraq, túrli-tústi oramjapyraq, kolrabi, japyraqty oramjapyraq jáne jáne Brassica tektes osyǵan uqsas jeýge jaramdy kókónister;
- bidai nemese qara bidai uny;
- jumsaq bidai jáne meslin.
№ 3 qosymshada shekteýlerdi esepteý jáne bólý tártibi belgilengen. Eksportqa engizilgen kvotalar jáne ishki naryqqa ónimdi kepildi jetkizý kólemi aǵymdaǵy jyldyń 1 qyrkúiegine deiin ai saiyn anyqtalatyn bolady.
Belgilengen erejeler boiynsha QR AShM esepti (kelesi) aidyń bastalýyna deiin keminde 12 jumys kún buryn resmi internet-resýrsta taýarlardyń árbir túri boiynsha kvotalar kólemin, tirkelgen baǵasy bar QR ishki naryǵyna kepildendirilgen jetkizilimder kólemin, sondai-aq ótinimderdi qabyldaýdyń bastalý jáne aiaqtalý kúni men ýaqyty týraly aqparatty jariialaityn bolady.
Kvotalar men kepildi jetkizilimder kólemin QR AShM óndiris, tutyný, ákimdikterdiń qorlardaǵy azyq-túlik kólemi týraly bergen aqparatyna súiene otyryp jáne «Qazaqstannyń Astyq odaǵynyń», «Qazaqstannyń astyq óńdeýshiler odaǵynyń», «Qazaqstannyń Kartop ósirýshiler jáne kókónis ósirýshiler odaǵynyń» usynystary negizinde esepteidi.
Kvotalardy alý úshin fermerler men treiderlerge esepti ai bastalǵanǵa deiin 7 jumys kúninen keshiktirmei óz ótinimderin salalyq odaqtarǵa berýi qajet, olar óz kezeginde ótinimderdi qalyptastyrady.
Kvotalardy esepteý jáne bólý erejesimen tolyǵyraq myna silteme boiynsha tanysýǵa bolady.
№ 111 buiryqty myna silteme arqyly kórýge bolady.
Ótinimder men basqa da qujattardyń nysandary myna silteme boiynsha qoljetimdi.
«Qorytyndylai kele, QR tys jerlerge aýyl sharýashylyq ónimderin eksporttaýǵa tyiym salý jáne shekteýler tótenshe jaǵdai kezinde halyqty úzdiksiz jáne kepildi túrde qajetti azyq-túlik taýarlarymen qamtamasyz etý úshin májbúrli jáne ýaqytsha engizilgenin shara ekenin atap ótkimiz keledi. Azamattardy atalmysh jaǵdaiǵa túsinýshilikpen qaraýǵa shaqyramyz. Sondai-aq, eksportqa qatysty sońǵy jańalyqtarmen tanys bolý úshin QR Aýyl sharýashylyǵy ministrliginiń jariialaǵan habarlandyrýlaryn qadaǵalap otyrýlaryńyzdy suraimyz.
Keibir óńirlerde azyq-túlik taýarlaryn ótkize almai jatsa, al elimizdiń kelesi óńirinde atalmysh taýarǵa jetispeýshilik tirkelgen. Osyǵan bailanysty QR AShM jergilikti atqarýshy organdardy basqa óńirlermen belsendi jáne júieli negizde azyq-túliktiń qory nemese jetispeýshilini týraly aqparattandyrý bóliginde ózara is-qimyl jasaýǵa shaqyrady», - delingen QR AShM habarlamasynda.
