QR Aqparat jáne qoǵamdyq damý ministri Dáýren Abaev tótenshe jaǵdai kezinde bizneske qoldaý kórsetý jumystarynyń nátijesin baiandady, dep habarlaidy "Ult aqparat".
«Bul baǵytta nátijeli jumys júrgizildi jáne bul jumystar áli de jalǵasýda. Oǵan Qarjy, Ulttyq ekonomika, Energetika ministrlikteri men «Atameken» UKP, Ulttyq bank, ákimdikter tartylǵan. Jeńildikpen nesieler berilip jatyr. Ol úshin 33 mlrd teńge qaryz maquldandy», - dedi ministr «Habar» arnasyndaǵy «Ashyq dialog» baǵdarlamasynda.
Áleýmettik mańyzy bar taýar óndirýshilerge salyq azaityldy.
«2020 jyldyń sońyna deiin qonaqúi biznesi jáne tamaqtaný syndy biznes ókilderine múlik salyǵy toqtatyldy. Salyqtyq tekserýler men esepter de keiingi qaldyryldy. Bir millionnan astam salyq tóleýshige aiyppuldar men ósimpuldardy óndirip alý toqtatyldy. Munyń barlyǵy - aýqymdy jumys», - dedi D. Abaev.
Buǵan deiin ministr TJ kezinde halyqqa áleýmettik qoldaý kórsetý mehanzimi týraly pikir bildirgen edi.
