Tótenshe jaǵdai kezinde qazaqstandyqtarǵa azyq-túlik alý úshin sáýir aiynda 5,3 mlrd teńgege jýyq qarjy aýdaryldy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine jasap.
Aǵymdaǵy jylǵy 6 mamyrdaǵy jaǵdai boiynsha 960 myń qazaqstandyq jalpy somasy 5,3 mlrd teńgege azyq-túlik jáne turmystyq jiyntyqtary úshin tólem aldy.
Buǵan deiin habarlanǵandai, Memleket basshysynyń tapsyrmasy boiynsha, tótenshe jaǵdai kezinde azyq-túlik jáne turmystyq jiyntyqty alýshylardyń tizimi keńeitildi.
Áleýmettik kómektiń bul túrin kelesi sanattaǵy azamattar alady:
- ataýly áleýmettik kómek alýshylar qataryndaǵy, onyń ishinde kópbalaly otbasylardyń 6 jastan 18 jasqa deiingi balalary;
- meditsinalyq-áleýmettik mekemelerde turaqty turatyn múgedekterdi qospaǵanda, 16 jasqa deiingi múgedek balalar;
- meditsinalyq, áleýmettik mekemelerde turaqty turatyn múgedekterdi qospaǵanda, barlyq jastaǵy I, II, III toptaǵy múgedekter;
- múgedek balany tárbielep otyrǵan tulǵalar;
- jumyspen qamtý máseleleri boiynsha jergilikti organda tirkelgen jumyssyz azamattar.
Atalǵan kómek túrin alýshylardyń tizimin jergilikti atqarýshy organdar tarapy jasaidy.
Naýryzda 266 myń adam jalpy somasy 1,5 milliard teńgeniń tólemine ie boldy.
