QR Ishki ister ministri Erlan Turǵymbaev elimizde tótenshe jaǵdaida ǵy politseiler jumysy týraly aityp berdi, dep habarlaidy "Ult aqparat".
«Ishki ister organdarynyń jeke quramy qyzmet atqarýdyń erekshe rejimine kóshti. Ishki ister organdarynyń negizgi mindeti – azamattardyń qaýipsizdigin qamtamasyz etý. Qoǵamdyq tártipti saqtaýǵa 8 myńnan astam qyzmetker jáne Ulttyq ulannyń 4 myń qyzmetkeri shyqty. Asa mańyzdy memlekettik jáne strategiialyq nysandardy kúzetý qatań baqylaýǵa alyndy», - dedi ministr «Habar 24» telearnasyndaǵy úndeýde.
Onyń aitýynsha, patrýlder sany kóbeitilip, qoǵamdyq tártipti qamtamasyz etý kúsheitildi.
«Meditsinalyq qyzmetkerlermen birge, aýrý kúdigi bar azamattardy anyqtaý sharalary qabyldanyp jatyr. Sonymen birge, koronavirýs infektsiiasyna qarsy is-qimyl boiynsha IIM jedel shtaby quryldy», - dedi ministr.
Aita keteiik, Qazaqstanda koronavirýs infektsiiasyn juqtyrǵandardyń sany 32-ge jetti: Almatyda - 15 adam, elordada – 17 adam.
19 naýryzdan bastap Nur-Sultan jáne Almaty qalalarynda karantin rejimi engiziledi.
