QR Aqparat jáne qoǵamdyq damý ministri Dáýren Abaev qazirgi tótenshe jaǵdaidyń ekonomikamyzǵa qalai áser etetinin aityp berdi, dep habarlaidy QazAqparat.
«Karantindik sharalar bizdiń ǵana emes, álem ekonomikasyna ózgertýler engizdi. Qazirdiń ózinde bizdiń biýdjetimizge pandemiia yqpaly sezildi. Árine, aldaǵy ýaqytta da negativti faktorlarǵa tap bolarymyzdy joqqa shyǵarmaimyz. Úkimet oǵan daiyn», - dep atap ótti ministr «Habar» arnasyndaǵy «Ashyq dialog» baǵdarlamasynda.
Biraq, ministr 2020 jyldyń alǵashqy toqsanynda ekonomikanyń bazalyq sektorlarynda ósim baiqalǵanyn jetkizdi.
«Máselen, aýyl sharýashylyǵynda, ónerkásipte, qurylysta ósim bar, tipti investitsiialar da artqan. Munyń barlyǵy kóńilge optimizm uialatady. Mundai bekemdik zapasy Indýstriialandyrý baǵdarlamasynyń arqasynda quryldy. Himiialyq ónerkásipte óndiris kólemi eki esege artty. Farmindýstriia men jeńil ónerkásip te artyp keledi», - dedi ol.
Naqty mysal retinde ministr Peterbýrg zaýytymen birlesip, tanymal «Kirovets» traktorynyń óndirisi bastalǵanyn kórsetti.
«KamAzben» birlesken kásiporyn ashý josparlanyp otyr. Mashina qurastyrý boiynsha biz Ortalyq Aziiada alǵash ret 500 megavattqa deiin jetetin asa qýatty transformator óndirýdi igerdik. 500 megaVattpen Qazaqstandaǵy ortasha oblys ortalyǵyn elektr energiiasymen qamtýǵa bolady», - dedi D. Abaev.
