Kóliktik baqylaý organdarynyń qyzmetkerleri respýblika avtojoldaryndaǵy 30 kóliktik baqylaý beketinde, Eýraziialyq ekonomikalyq odaqtyń (EAEO) syrtqy shekarasyndaǵy avtomobil ótkizý pýnktteri men Reseimen ótkizý pýnktteri janynda, sondai-aq karantindik aimaqtardyń baqylaý beketterinde táýlik boiy baqylaý júrgizýde, dep habarlaidy "Ult aqparat" QR IIDM Kólik komitetiniń baspasóz qyzmetine silteme jasap.
Osy maqsatta beketterdiń qyzmetkerleri qajetti jeke qorǵanys quraldarymen jáne zalalsyzdandyrý quraldarymen qamtamasyz etildi.
Tótenshe jaǵdai bastalǵannan 28 sáýirge deiin beketterde 9 889 avtokólik tekserilip, 1 768 buzýshylyq anyqtaldy, 3 327 qazaqstandyq ruqsat blankisi men EAEO syrtqy shekarasynan kelip túsken 952 habarlama rásimdelgen, sondai-aq 54 mln teńgeden astam aiyppul jáne 16 mln teńgeden astam somada alymdar óteldi.
Budan basqa, Komitettiń Ahýaldyq ortalyǵynyń kezekshileri kóliktik baqylaý beketteriniń jumysyna táýlik boiy monitoring júrgizýde. Onyń ishinde kólik-kommýnikatsiialyq keshendegi shtattan tys jaǵdailar men qaýipti óndiristik obektilerdegi apattar týraly 122 jedel habarlandyrý boiynsha aqparat usynylǵan (avtomobil kóligi salasynda - 27, temir jol kóliginde - 95).
Sondai-aq, QR Qarjy ministrliginiń Memlekettik kirister komiteti men QR UQK Shekara qyzmetiniń derekteri boiynsha avtokólik quraldaryn jáne jeke tulǵalardy memlekettik shekara arqyly ótkizý boiynsha kúndelikti taldaý júrgizilýde. Onyń qorytyndysy boiynsha 850-den astam avtokóliktiń tranzittik qatynasta júkterdi halyqaralyq tasymaldaǵany belgili boldy.
Sonymen qatar, tótenshe jaǵdai kezinde karantindik shekteýlerge bailanysty Kólik komiteti aǵymdaǵy jyldyń 15 sáýirinen bastap júkterdi avtokólikpen tasymaldaýǵa arnalǵan qaǵaz ruqsat berý qujattaryn elektrondyq formatqa aýystyrdy. Bul sharalar jylyna 65 myńnan astam A4 formattaǵy qaǵazdy únemdeýge múmkindik beredi.
Qazirgi ýaqytta kóliktik baqylaý beketterinde elektrondy arnaiy ruqsat qujattaryn tekserý kóliktik derekter bazasynyń aqparattyq-taldaý júiesiniń kómegimen júzege asyrylady.
