Foto: Aqordanyń baspasóz qyzmeti
Prezident 31 mamyr – Saiasi qýǵyn-súrgin jáne asharshylyq qurbandaryn eske alý kúnine orai Twitter-de jazba jariialady, - dep habarlaidy "Ult aqparat".
"Biz búgin saiasi qýǵyn-súrgin jáne asharshylyq qurbandaryn eske alamyz. Totalitarizmniń bul qyrǵyny halqymyzǵa orasan zor qasiret ákeldi. Tarihymyzdyń qaiǵyly kezeńderin tereń zerdelep, jazyqsyz japa shekken bozdaqtardy aqtaý isin jalǵastyrý – óte mańyzdy másele" – dep jazdy Qasym-Jomart Toqaev Twitter-de.
Memleket basshysynyń pikirinshe, azaly kúnderden sabaq alyp, mundai náýbettiń keleshekte qaitalanýyna jol bermeý – barshamyzǵa ortaq paryz. Biz aýyr synaqqa tótep bergen, ult birligin saqtap qalǵan jáne asyl qasietterin joǵaltpaǵan ata-babamyzdyń úmitin aqtaýymyz qajet.
