twitter.com/GitanasNauseda
Eýropanyń tórt prezidenti Ýkraina astanasyna barady, - dep habarlaidy Tengrinews.kz tilshisi Reuters agenttigine silteme jasap.
Litva prezidenti Gitanas Naýseda, Polsha prezidenti Andjei Dýda, Estoniia prezidenti Alar Karis jáne Latviia prezidenti Egils Levits ýkrain basshysy Vladimir Zelenskiimen kezdesý úshin Kievke barady.
"Biz Kievke saiasi qoldaý kórsetýge jáne áskeri kómek týraly jaqsy habarlama alyp baramyz. Litva Ýkrainanyń egemendigi men bostandyǵy úshin kúresin qoldaidy", - dep jazdy Naýseda Twitter-de jáne ýkrain tilinde: "Jeńiske birge!" dep qosty.
Polsha prezident ákimshiligi Ýkraina astanasynda tórt memleket basshylary Zelenskiimen kezdesetinin rastady.
"Bizdiń maqsatymyz - prezident Zelenskiidi jáne Ýkrainanyń qorǵaýshylaryn osy el úshin sheshýshi sátte qoldaý. Baltyq elderi - óńirdegi qaýipsizdik máselelerindegi bizdiń negizgi áriptesterimiz. Biz Kievke birge baramyz dep sheshtik. Polsha sapardyń uiymdastyrýshysy jáne Ýkrainamen birge onyń logistikasy men qaýipsizdigin qamtamasyz etedi", - dedi Halyqaralyq saiasat biýrosynyń basshysy Iakýb Kýmoch.
