Foto: dartoffice.ru
Mádeniet jáne sport ministrligi arhivke tapsyrylýy tiis qujattardy jii joǵaltatyn vedomstvolardy atady, dep habarlaidy QazAqparat agenttigi.
«Jergilikti atqarýshy organdardyń saraptamalyq-tekserý komissiialarynyń otyrystarynda qujattardyń joǵalý faktileri anyqtalady. Buǵan biliktiligi tómen mamandardyń qujattardy sapasyz retke keltirýi sebep. Máselen, Ádilet ministrliginiń úsh qurylymdyq bólimshesinde 2010-2016 jyldary 317 qujat joǵalý faktisi anyqtaldy. Aýyl sharýashylyǵy ministrliginde - 195, Indýstriia jáne infraqurylymdyq damý ministrliginde - 47, Qarjy ministrliginde - 4 qujat joǵalǵan. Bul osy uiym qyzmetkerleriniń jumys ótilin, jalaqy mólsherin jáne zeinetaqy qoryna aýdarymyn rastai almaýyna ákep soǵady», - delingen ministrlik derekterinde.
Sonymen birge, búginde arhiv qujattarynyń 97,8% órt qaýipsizdigi tómen ǵimarattarda saqtaýly turǵany málim boldy. Taǵy bir másele – elimizdegi muraǵattarda qujat qabyldaityn oryn tapshy.
