Foto: instagram.com/nurgazina_kelbet
2008 jyly Beijiń Olimpiadasyna qatysqan qazaq dziýdoshysy Kelbet Nurǵazina 16 jyl úzilisten soń Las-Vegasta (AQSh) ardagerler arasynda ótken álem chempionatynda kúmis júldeger atandy, dep habarlaidy KAZ.NUR.KZ.
Halyqaralyq dziýdo federatsiiasynyń saityndaǵy aqparatqa súiensek, Kelbet Nurǵazina 52 kg salmaqta beldesip, kúmis medal enshilegen.
"Sporttaǵy 16 jyldyq úzilisten keiin, turmysqa shyǵyp, 4 balany ómirge ákelip, 8 jyl memlekettik qyzmette bolǵanyma qaramastan 2 apta boiy jattyǵý jasap álem chempionatynda kúmis júldeger atandym. Ardagerler arasynda bolsa da bul laiyq jeńis dep sanaimyn", - dep jazdy Kelbet Nurǵazina Instagram-daǵy paraqshacynda.
Aita keteiik, Kelbet Nurǵazina – dziýdodan 2006 jylǵy jazǵy Aziia oiyndarynyń qola júldegeri, sambodan jasóspirimder men jastar arasynda álem chempiony, eresekter arasyndaǵy álem chempionatynyń qola júldegeri. Ol 2004-2008 jyldar arasynda dziýdodan ulttyq qurama sapynda 48 kg salmaqta óner kórsetken. Sportshy Beijiń Olimpiadasynda 9-oryn alǵan bolatyn.
