فوتو: instagram.com/nurgazina_kelbet
2008 جىلى بەيجٸڭ وليمپياداسىنا قاتىسقان قازاق دزيۋدوشىسى كەلبەت نۇرعازينا 16 جىل ٷزٸلٸستەن سوڭ لاس-ۆەگاستا (اقش) ارداگەرلەر اراسىندا ٶتكەن ەلەم چەمپيوناتىندا كٷمٸس جٷلدەگەر اتاندى, دەپ حابارلايدى KAZ.NUR.KZ.
حالىقارالىق دزيۋدو فەدەراتسيياسىنىڭ سايتىنداعى اقپاراتقا سٷيەنسەك, كەلبەت نۇرعازينا 52 كگ سالماقتا بەلدەسٸپ, كٷمٸس مەدال ەنشٸلەگەن.
"سپورتتاعى 16 جىلدىق ٷزٸلٸستەن كەيٸن, تۇرمىسقا شىعىپ, 4 بالانى ٶمٸرگە ەكەلٸپ, 8 جىل مەملەكەتتٸك قىزمەتتە بولعانىما قاراماستان 2 اپتا بويى جاتتىعۋ جاساپ ەلەم چەمپيوناتىندا كٷمٸس جٷلدەگەر اتاندىم. ارداگەرلەر اراسىندا بولسا دا بۇل لايىق جەڭٸس دەپ سانايمىن", - دەپ جازدى كەلبەت نۇرعازينا Instagram-داعى پاراقشاcىندا.
ايتا كەتەيٸك, كەلبەت نۇرعازينا – دزيۋدودان 2006 جىلعى جازعى ازييا ويىندارىنىڭ قولا جٷلدەگەرٸ, سامبودان جاسٶسپٸرٸمدەر مەن جاستار اراسىندا ەلەم چەمپيونى, ەرەسەكتەر اراسىنداعى ەلەم چەمپيوناتىنىڭ قولا جٷلدەگەرٸ. ول 2004-2008 جىلدار اراسىندا دزيۋدودان ۇلتتىق قۇراما ساپىندا 48 كگ سالماقتا ٶنەر كٶرسەتكەن. سپورتشى بەيجٸڭ وليمپياداسىندا 9-ورىن العان بولاتىن.
