Foto: ©Olympic.kz/Nurǵali JUMAǴAZY / Keńes Raqyshev / kollaj: el.kz
Qazaqstan boks federatsiiasy Aziia oiyndarynyń jartylai finalynda qola medal alǵan Aslanbek Shymbergenovtyń sońǵy jekpe-jegine qatysty Halyqaralyq olimpiada komitetine resmi júginip, narazylyq bildiredi, dep habarlaidy "Ult aqparat".
"Tóreshilerdiń Aziia oiyndary tarihyndaǵy eń ádiletsiz sheshimi!
Qurmetti jankúierler, álem chempiony, Qazaqstan quramasynyń kapitany Aslanbek Shymbergenovtyń jartylai finaldyq kezdesýinde tóreshilerdiń asa ádiletsiz sheshimine qatysty óreskel oqiǵa oryn aldy. Shymbergenov búkil jekpe-jek boiy japoniialyq Sevon Okazavany soqqynyń astyna aldy. Judyryqtary qarsylasqa dál tiip jatty. Barlyq jaǵynan myqtyraq ári basymyraq boldy. Biraq olar Shymbergenovtyń qarsylasynyń qolyn kóterdi...
Halyqaralyq Olimpiada komiteti IBA-daǵy tóreshilikke qatysty árdaiym shaǵym bildirip kelgen edi, biraq Hanchjoýdaǵy Aziia oiyndarynyń jartylai finalynda bolǵan oqiǵa tym shekten shyǵyp ketti" - dedi boks federatsiiasynyń prezidenti Keńes Raqyshev.
Osyǵan bailanysty Qazaqstan boks federatsiiasy Aziia oiyndary boiynsha HOK tóreshisine óz talaptaryn resmi túrde bildiredi.
"Bul rette týrnirdiń eń myqty boksshylary bizdiń bylǵary qolǵap sheberlerimen birdei jerebege túsýi, jalpy jerebeniń ótkizilý reti, tóreshilerdiń jumysyna suraqtar týyndatty. Al jergilikti boksshylarǵa «qyzyl kilem» tóseldi...
HOK qamqorlyǵyndaǵy týrnirlerde tóreshiler sheshimine narazylyqtar men shaǵymdardy berýge bolmaidy. Qazaqstan - boks derjavasy, bokstyń kóshbasshysy retinde ringtegi mundai ádiletsizdik faktilerimen kelise almaidy.
Men óz tarapymnan Aslanbek Shymbergenovke jeke qoldaý bildiremin! Mundai faktiler kapitanymyzdy syndyrmaidy, eńsesin túsirmeidi dep senemin, jáne ol bokstan eń mańyzdy halyqaralyq týrnirlerde Qazaqstan Týyn biikte jelbiretedi dep oilaimyn!" - dedi Raqyshev.
