Foto: instagram.com/toregalitoreali
Ánshi Tóreǵali Tóreáli 20 táýlikke qamaýǵa alyndy, - dep habarlaidy "Ult aqparat".
Almaty qalasy ákimshilik quqyq buzýshylyqtar jónindegi mamandandyrylǵan aýdanaralyq sotynda ózge kólik quraldaryna zaqym keltirýge ákep soqqan esirtkilik mas kúiinde kólik quralyn basqarý faktisi boiynsha azamat A.-ǵa qatysty ákimshilik is qaralǵan.
"Sot 14 maýsymda A. esirtkilik mas kúiinde kólik júrgizip, patrýldik kólikke shabýyl jasaǵanyn anyqtady. Jol-kólik oqiǵasy saldarynan avtokólikter mehanikalyq zaqym alǵan.
Sot otyrysynda quqyq buzýshy is materialdarynda baiandalǵan faktilerdi rastady jáne óz isine ókinish bildirdi.
Sot qaýlysymen A. Ákimshilik quqyq buzýshylyq týraly kodekstiń 608-babynyń 3-bóliginde kózdelgen ákimshilik quqyq buzýshylyq jasaǵany úshin kináli dep tanyldy jáne oǵan qatysty 7 jyl merzimge kólik quralyn basqarý quqyǵynan aiyra otyryp, 20 táýlik merzimge qamaýǵa alý túrindegi ákimshilik jaza qoldanyldy" - delingen Almaty sottarynyń resmi paraqshasyndaǵy habarlamada.
Sot sheshimi zańdy kúshine engen joq.
