Qazaqstan Prezidenti Qasym-Jomart Toqaev pen Resei Prezidenti Vladimir Pýtin shaǵyn quramda kelissóz ótkizdi, dep habarlaidy ult.kz.
Kezdesý barysynda memleket basshylary eki el arasyndaǵy strategiialyq seriktestik, óńirlik qaýipsizdik jáne birlesken jobalardy talqylady.
Qasym-Jomart Toqaev Resei prezidentin Astanaǵa qosh keldińiz dep qarsy alyp, bul sapardyń Qazaqstan men Resei arasyndaǵy odaqtastyq qatynastardy nyǵaitý úshin mańyzdy ekenin aitty.
Prezidenttiń sózinshe, kelissózderdiń basty nátijeleriniń biri – eki el arasyndaǵy strategiialyq seriktestik pen odaqtastyq qatynastardyń jeti negizi týraly birlesken málimdeme bolmaq.
«Jeti – qasietti san. Qujat óte mazmundy. Bul málimdeme eki el tarihyndaǵy mańyzdy oqiǵa bolady dep senemin», – dedi Toqaev.
Sondai-aq Memleket basshysy Qazaqstanda atom elektr stantsiiasyn salýǵa qatysty kelisimge erekshe toqtaldy.
«AES qurylysy týraly kelisimniń strategiialyq máni óte zor. Bul barshaǵa túsinikti. Biz – dostas, baýyrlas eldermiz. Ortaq tarihymyz, mádeni bailanysymyz bar», – dedi Prezident.
Óz kezeginde Vladimir Pýtin Qasym-Jomart Toqaevqa shaqyrǵany úshin alǵys aityp, Qazaqstan men Resei arasyndaǵy qarym-qatynastyń ǵasyrlar boiy qalyptasqan dostyq pen ózara qurmetke negizdelgenin atap ótti.
Resei prezidenti beiresmi kezdesý barysynda da eki el yntymaqtastyǵynyń mańyzdy baǵyttary talqylanǵanyn aitty.
Sonymen qatar Vladimir Pýtin Resei musylmandary Qurban ait merekesin atap ótip jatqanyn aityp, bul meiramnyń Qazaqstanda da keńinen toilanatynyn erekshe atap ótti.
