Memleket basshysy Qasym-Jomart Toqaevtyń jarlyqtarymen Qazaqstannyń birqatar shet memleketterdegi Tótenshe jáne Ókiletti Elshileri taǵaiyndaldy, dep habarlaidy ult.kz.
Eraly Luqpanuly Toǵjanov Qazaqstan Respýblikasynyń Ózbekstan Respýblikasyndaǵy Tótenshe jáne Ókiletti Elshisi qyzmetine taǵaiyndaldy.
Sondai-aq Álibek Ásetuly Baqaev Qazaqstan Respýblikasynyń Ulybritaniia jáne Soltústik Irlandiia Qurama Koroldigindegi Tótenshe jáne Ókiletti Elshisi bolyp taǵaiyndaldy. Osyǵan bailanysty ol burynǵy atqarǵan laýazymynan bosatyldy.
Amangeldi Ǵazezuly Sainov Qazaqstan Respýblikasynyń Rýmyniiadaǵy Tótenshe jáne Ókiletti Elshisi qyzmetine taǵaiyndaldy.
Sonymen qatar Prezidenttiń jekelegen jarlyqtarymen Beibit Bákiruly Atamqulov Qazaqstannyń Ózbekstandaǵy Tótenshe jáne Ókiletti Elshisi qyzmetinen, al Erlik Shákiruly Áli Qazaqstannyń Rýmyniiadaǵy Tótenshe jáne Ókiletti Elshisi qyzmetinen bosatyldy.
