Foto: Almaty.tv
Toptyq zorlaý úshin 13 jyl jasyrynyp kelgen kúdikti Qyrǵyzstannan ekstraditsiialandy, dep habarlaidy Bas prokýratýra.
Qazaqstan Respýblikasy Bas prokýratýrasynyń qyzmetkerleri Qyrǵyz Respýblikasynan toptyq zorlaý úshin qylmystyq jaýaptylyqqa tartý maqsatynda Qazaqstan azamatyn ekstraditsiialady.
«Kúdikti 2012 jyly Jambyl oblysynda basqa alty adammen birge jiynǵa eki qyzdy shaqyryp, olardyń sýsyndaryna klofelin aralastyrý arqyly dármensiz kúige keltirip, erkinen tys jynystyq qatynasqa túsken», - delingen vedomstvo habarlamasynda.
Qylmysqa qatysýshylar ártúrli jaza merzimderine sottalǵan, al kúdikti jasyrynyp, 13 jyl izdeýde bolǵan.
Biylǵy sáýirde ol Bishkek qalasynda ustalyp, Qazaqstan Respýblikasy Bas prokýratýrasynyń suraýy boiynsha elge ekstraditsiialandy.
Qazir kúdikti ýaqytsha ustaý izoliatoryna qamaldy.
Aiyptalǵan qylmysty jasaǵany úshin bes jyldan on jylǵa deiingi merzimge bas bostandyǵynan aiyrý jazasy kózdelgen.
