Foto: Pexels
Qaraǵandy oblysynda sibir jarasy diagnozy rastalǵan taǵy bir naýqastyń jaǵdaiy nasharlady. Ol reanimatsiia bólimine aýystyryldy. Naýqasta teri-qabyný sindromy órship tur, dep habarlaidy Kazinform agenttigi.
«Búgingi tańda sibir jarasy diagnozy rastalǵan eki naýqas em alyp jatyr. 62 jastaǵy patsientte túinemeniń teridegi túri tirkelgen. Teri-qabyný sindromynyń kúsheiýine jáne isiný kóleminiń ulǵaiýyna bailanysty reanimatsiia jáne qarqyndy terapiia bólimine aýystyryldy. Ekinshi naýqas 41 jasta, infektsiia ortalyǵynyń neiroboks bóliminde jatyr. Jaǵdaiy ortasha aýyr. Tolyq kólemde em alyp jatyr», — dep málimdedi Qaraǵandy oblysy densaýlyq saqtaý basqarmasynyń basshysy Bibigúl Tólegenova.
Eske salsaq, Qaraǵandy oblysynyń Topar kentinde karantin jariialandy. Eldi mekennen sibir jarasy tabyldy.
Keiin kentte taǵy úsh adamnyń osy dertti juqtyrǵany belgili boldy.
Búgin túnde bir naýqas kóz jumdy.
