Nóser jaýynnan úileri búlingen Tólebi aýdanynyń turǵyndaryna alǵashqylardyń biri bolyp maqtaaraldyqtar jetti.
Qaýipsiz jerge kóshirilgen 105 otbasyna birinshi kezekte qajetti 12 túrli azyq-túlik pen kiim-keshek, himiialyq jáne meditsinalyq zattar jetkizip berdi, dep habarlaidy "Ult aqparat".
Osy aidyń basynda úileri sý astynda qalǵan Myrzashóldiń turǵyndary birqatar qiyndyqty bastan ótkerip jatsa da tólebilikterdiń jaǵdaiyna bei-jai qarai almady. Maqtaly ólkeniń myrza halqy jibergen gýmanitarlyq kómek jergilikti deńgeidegi tótenshe jaǵdaidyń zardaptaryn joiý jónindegi aýdandyq shtabtyń qoimasyna jetkizildi.
«Ózderi qiyn jaǵdaida bolsa da bizdiń jaǵdaiymyzdy esti sala kómekke kelgen Maqtaaral aýdanynyń azamattaryna alǵysymyzdy aitamyz»,- dedi Tólebi aýdanynyń ákimi Baýyrjan Omarbekov.
Aita keteiik, aityp kelmeitin apatty eńserýde Maqtaaral aýdany men Jetisý óńiriniń erikti jastary aldyńǵy shepte júr.
