Atyraýda tońazytqyshta ólgen sábi oqiǵasy boiynsha úshinshi dáriger ustaldy, dep habarlaidy "Ult aqparat".
«Atyraý tergeý soty perinataldyq ortalyq dárigerleriniń bireýin eki aiǵa qamaýǵa alýdy sanktsiialady. Sot mundai sanktsiiany Sybailas jemqorlyqqa qarsy is-qimyl departamentiniń qyzmetkerleri tergeý júrgizip jatqan perinataldyq ortalyqta jańa týǵan náresteniń ólimine qatysty qylmystyq is aiasynda shyǵardy. Tergeý nusqasy boiynsha tońazytqyshqa tiri shaqalaqty salǵan», - dep habarlady oblystyq sottyń baspasóz qyzmeti.
Ustalǵan ginekolog-dáriger qylmystyq istiń úshinshi figýranty boldy. Buǵan deiin perinataldyq ortalyqtyń bas dárigeri men ginekolog qamaýǵa alynǵan edi.
Eske sala keteiik, 2019 jyldyń qyrkúiek aiynyń sońynda Atyraý oblysynda perinataldyq ortalyq basshysy men dárigeri jańa týǵan náresteni tońazytqysh kamerasyna salyp óltirdi degen kúdikke ilingen bolatyn.
