اتىراۋدا توڭازىتقىشتا ٶلگەن سەبي وقيعاسى بويىنشا ٷشٸنشٸ دەرٸگەر ۇستالدى, دەپ حابارلايدى "ۇلت اقپارات".
«اتىراۋ تەرگەۋ سوتى پەريناتالدىق ورتالىق دەرٸگەرلەرٸنٸڭ بٸرەۋٸن ەكٸ ايعا قاماۋعا الۋدى سانكتسييالادى. سوت مۇنداي سانكتسييانى سىبايلاس جەمقورلىققا قارسى ٸس-قيمىل دەپارتامەنتٸنٸڭ قىزمەتكەرلەرٸ تەرگەۋ جٷرگٸزٸپ جاتقان پەريناتالدىق ورتالىقتا جاڭا تۋعان نەرەستەنٸڭ ٶلٸمٸنە قاتىستى قىلمىستىق ٸس اياسىندا شىعاردى. تەرگەۋ نۇسقاسى بويىنشا توڭازىتقىشقا تٸرٸ شاقالاقتى سالعان», - دەپ حابارلادى وبلىستىق سوتتىڭ باسپاسٶز قىزمەتٸ.
ۇستالعان گينەكولوگ-دەرٸگەر قىلمىستىق ٸستٸڭ ٷشٸنشٸ فيگۋرانتى بولدى. بۇعان دەيٸن پەريناتالدىق ورتالىقتىڭ باس دەرٸگەرٸ مەن گينەكولوگ قاماۋعا الىنعان ەدٸ.
ەسكە سالا كەتەيٸك, 2019 جىلدىڭ قىركٷيەك ايىنىڭ سوڭىندا اتىراۋ وبلىسىندا پەريناتالدىق ورتالىق باسشىسى مەن دەرٸگەرٸ جاڭا تۋعان نەرەستەنٸ توڭازىتقىش كامەراسىنا سالىپ ٶلتٸردٸ دەگەن كٷدٸككە ٸلٸنگەن بولاتىن.
