Tomas Bah HOK Prezidenti qyzmetinen ketetinin málimdedi

Foto: Reuters

Halyqaralyq olimpiadalyq komitettiń (HOK) Prezidenti Tomas Bah atalǵan uiymnyń 142-sessiiasynda ókilettilik merzimi aiaqtalǵannan keiin qyzmetinen ketetinin aitty. 

Nemis mamany Halyqaralyq olimpiadalyq komitetine 2013 jyldan beri basshylyq jasap keledi. 2021 jyly tórt jyldyq merzimge qaita sailandy. Bul olimpiadalyq hartiia boiynsha sońǵy merzim retinde sanalady. Osyǵan bailanysty HOK-tiń birqatar músheleri Bahtyń ókilettilik merzimin uzartýǵa qatysty reglamentti ózgertý jóninde usynys bildirgen edi.

Halyqaralyq olimpiadalyq komitettiń jańa prezidentin sailaý 2025 jyldyń naýryz aiynda ótedi. 70-jastaǵy Tomas Bah qajet bolǵan jaǵdaida óz izbasaryna kómektesýge daiyn ekenin aitty.

Tomas Bah óziniń sporttyq mansabynda 1976 jyly komandalyq saiysta semserlesýden Olimpiada chempiony atanǵan.

Aita ketsek, 2024 jylǵy Parij Olimpiadasynda Qazaqstan quramasy 1 altyn, 3 kúmis, 3 qola medalǵa qol jetkizdi.

Qazaqstandyq sportshylar Olimpiada oiyndarynda sporttyń 25 túrinen synǵa tústi. Elimizdiń atynan 80 sportshy 92 joldama jeńip alǵan bolatyn.