توماس باح حوك پرەزيدەنتٸ قىزمەتٸنەن كەتەتٸنٸن مەلٸمدەدٸ

فوتو: Reuters

حالىقارالىق وليمپيادالىق كوميتەتتٸڭ (حوك) پرەزيدەنتٸ توماس باح اتالعان ۇيىمنىڭ 142-سەسسيياسىندا ٶكٸلەتتٸلٸك مەرزٸمٸ اياقتالعاننان كەيٸن قىزمەتٸنەن كەتەتٸنٸن ايتتى. 

نەمٸس مامانى حالىقارالىق وليمپيادالىق كوميتەتٸنە 2013 جىلدان بەرٸ باسشىلىق جاساپ كەلەدٸ. 2021 جىلى تٶرت جىلدىق مەرزٸمگە قايتا سايلاندى. بۇل وليمپيادالىق حارتييا بويىنشا سوڭعى مەرزٸم رەتٸندە سانالادى. وسىعان بايلانىستى حوك-تٸڭ بٸرقاتار مٷشەلەرٸ باحتىڭ ٶكٸلەتتٸلٸك مەرزٸمٸن ۇزارتۋعا قاتىستى رەگلامەنتتٸ ٶزگەرتۋ جٶنٸندە ۇسىنىس بٸلدٸرگەن ەدٸ.

حالىقارالىق وليمپيادالىق كوميتەتتٸڭ جاڭا پرەزيدەنتٸن سايلاۋ 2025 جىلدىڭ ناۋرىز ايىندا ٶتەدٸ. 70-جاستاعى توماس باح قاجەت بولعان جاعدايدا ٶز ٸزباسارىنا كٶمەكتەسۋگە دايىن ەكەنٸن ايتتى.

توماس باح ٶزٸنٸڭ سپورتتىق مانسابىندا 1976 جىلى كوماندالىق سايىستا سەمسەرلەسۋدەن وليمپيادا چەمپيونى اتانعان.

ايتا كەتسەك, 2024 جىلعى پاريج وليمپياداسىندا قازاقستان قۇراماسى 1 التىن, 3 كٷمٸس, 3 قولا مەدالعا قول جەتكٸزدٸ.

قازاقستاندىق سپورتشىلار وليمپيادا ويىندارىندا سپورتتىڭ 25 تٷرٸنەن سىنعا تٷستٸ. ەلٸمٸزدٸڭ اتىنان 80 سپورتشى 92 جولداما جەڭٸپ العان بولاتىن.