«Aýyl» partiiasynan prezidenttikke úmitker Tóleýtai Raqymbekov Shyǵys Qazaqstan oblysyn aralap júr, dep habarlaidy "Ult aqparat" kandidattyń áleýmettik jelidegi paraqshasyna silteme jasap.
Prezidenttikke úmitkerdiń aitýynsha, bul sapardyń maqsaty - óńirdiń aýylsharýashylyq salasyndaǵy máselelermen jaqyn tanysyp, turǵyndarynyń saýaldaryna jaýap berý. Búgin sailaýaldy top ShQO-daǵy sút-taýarly fermaǵa bardy. Fermada 3 000 bas mal bar, onyń shamamen jartysy - saýyn siyr.
«Jylyna orta eseppen alǵanda bir siyrdan saýylǵan sút 8 myń kg asady. Bul - Qazaqstandaǵy ortasha kórsetkishten 3 ese kóp. Eger el kóleminde muny 3 esege arttyrsa, búgingi kúni 6 mln tonnaǵa qosymsha 12 mln tonna ónim shyǵaryp, daiyn ónimdi eksportqa jiberer edik», - dep jazady Tóleýtai Raqymbekov.
Shyǵysqazaqstandyqtar mundai jetistikke qalai qol jetkizdi? «Aýyldyq» kandidattyń pikirinshe, onyń úsh sebebi bar.
«Birinshiden, óndiristi durys uiymdastyrý men durys menedjment arqasynda. Ekinshiden, qazirgi zamanǵy tehnologiialarǵa investitsiia salý, úshinshiden, óndiristiń, ǵylym men bilimniń tyǵyz integratsiiasy. Fermadaǵy ortasha jalaqy osy saladaǵy ortasha kórsetkishten 3 ese kóp», - deidi maman.
