«Aýyl» halyqtyq demokratiialyq partiiasy atynan Prezident sailaýyna túsken Tóleýtai Rahymbekov «exit poll» nátijesine qatysty pikir bildirdi. Sonymen qatar Tóleýtai Rahymbekov jeńiske jetken kandidat Qasym-Jomart Toqaevty quttyqtap, onyń aldaǵy jumysyna sáttilik tiledi, dep habarlaidy QazAqparat tilshisi.
«Sáýir aiynda partiialastarym meni kandidat retinde biraýyzdan usyndy. Sodan beri jer-jerde barlyq ujym tynym kórmei úgit júrgizdi. Óńirlerdi aralaý barysynda belsendi azamattarǵa alǵysymdy aityp otyrdym. Osy sailaý naýqanyna bir kisidei atsalysqan barlyq jaqtastaryma alǵys aitqym keledi», - deidi Tóleýtai Rahymbekov.
«Aýyl» partiiasynyń ókili «exit poll» nátijesine qarap qorytyndy jasaýǵa bolmaitynyn aitady.
«Munymen ýaqyt toqtap qalǵan joq. Bizdiń partiianyń saiasi paltformasy túgeldei aýyldyq eldi mekenderdi gúldendirýge baǵyttalǵan. Al bul - ómirsheń baǵyt. Alda Parlament sailaýlary bar. Sonyń bárinde osy ustanǵan baǵytymyzdan taimaimyz», - dedi ol.
Kandidattyń aitýynsha, sailaýǵa daiyndyq retinde berilgen 2 ai partiianyń jumyla jumys isteýine tolyqtai jetkilikti bolǵan.
«Bizdiń partiia - zamanaýi tiptegi partiia. Sondyqtan 2 ai ýaqyt bizge azdyq etken joq. Keibir ujymdar bolýy múmkin, olarǵa bir jyl ýaqyt berseńiz de úlgermei jatady. Sondyqtan bul sailaýǵa barynsha daiyndyqpen keldik dep aitýǵa bolady», - dedi partiia ókili.
