Tólem kartasy qandai jaǵdailarda buǵattalady? Bul - «Fingramota Online» qosymshasyna jeltoqsan aiynda jii túsken suraqtardyń biri, dep habarlaidy "Ult aqparat".
«Jaqynda meniń bank kartamdy birjaqty tártippen buǵattap tastady. Tiisinshe, men qarajat ala almadym. Keiin buǵattan shyǵardy, biraq meniń suraǵym bar. Jalpy kartany kim buǵattai alady, eger bank qatelesken bolsa, bankti qalai jaýapkershilikke tartýǵa bolady?», - delingen qoiylǵan saýalda.
Osy suraqqa jaýap bergen mamandar emitent bank qai jaǵdailarda tólem kartochkasyn buǵattai alatynyn túsindirdi.
Bul turǵyda buǵattaý jailary: tólem kartochkasynyń iesi bank menedjerine onyń joǵalǵandyǵy, urlanǵandyǵy nemese ruqsatsyz paidalanǵandyǵy týraly habarlasa, «plastik» ustaýshy tólem kartochkasyn berý týraly shartty oryndamaityn bolsa, sondai-aq taraptar arasyndaǵy shartta kózdelgen, iaǵni tólem kartochkasyn paidalanýdyń ishki qujaty saqtalmasa.
«Sonymen qatar, ýákiletti memlekettik organdardyń nemese laýazymdy tulǵalardyń ókimderi negizinde shyǵys operatsiialaryn júrgizýge shekteý salynýy múmkin. Mysaly, salyq tólemeý, tergeý jumystaryn júrgizý kezinde, alaiaqtyq operatsiialarǵa jáne basqalaryna kúmándi bolǵan kezde. Atap aitqanda, tólem kartochkasy boiynsha kúmándi, kúdikti operatsiialar jasalǵanda, olardyń aldyn alý úshin bankter olardyń jeke túrlerine júielik shekteýler qoiýy múmkin. Olardy belgileý sharttary, sondai-aq olardy alý tártibi tólem kartochkasyn shyǵarý týraly shartta kórsetilgen», - delingen habarlamada.
Munymen qosa, QR Qarjy ministrligi Qarjy monitoringi komitetiniń terrorizm men ekstremizmdi qarjylandyrýmen bailanysty uiymdar men tulǵalar tizbesine engizilgen uiymdar men jeke tulǵalar týraly aqparaty da shekteýlerge negiz bola alady.
«Qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl týraly» QR Zańynyń normalarynda bankter mundai faktilerdiń aldyn alý jáne jolyn kesý úshin operatsiia kúdikti dep tanylǵan kezde ony oryndaý aldynda QR QM QMK-ke dereý habarlaýǵa mindetti ekendigi aiqyndalǵan.
Bul rette, eger banktiń klientteri – uiym nemese jeke tulǵa terrorizm men ekstremizmdi qarjylandyrýmen bailanysty uiymdar men tulǵalar tizbesine engizilse, bankter ózderiniń banktik shottaryndaǵy shyǵys operatsiialardy dereý toqtatýǵa mindetti.
Tyiym salýdy sottar sot aktileriniń negizinde jáne sot oryndaýshylary prokýror sanktsiialaǵan sot oryndaýshylarynyń qaýlylary negizinde eldiń qylmystyq-protsestik zańnamasynda ári Atqarýshylyq is júrgizý týraly zańda kózdelgen tártippen salady.
«Eger buǵattaý negizsiz bolsa, siz QR Qarjy naryǵyn retteý jáne damytý agenttigine óz quqyqtaryńyzdy qorǵaý týraly ótinish berýge quqyǵyńyz bar», - dep atalyp ótken agenttik málimetinde.
Aita keteiik, QR Qarjy naryǵyn retteý jáne damytý agenttigi 2020 jylǵy 25 maýsymnan bastap «Fingramota Online» mobildi qosymshany iske qosty. Bul qarjy retteýshisiniń halyqpen jáne biznespen ózara is-áreketiniń yńǵaily quraly.
