Túrkistan oblysy, Tólebi aýdanynda selden zardap shekken otbasylarǵa jańa baspanalar tamyz aiynda beriledi dep josparlanyp otyr. Oblys ákimi Ómirzaq Shókeevtiń tapsyrmasyna sáikes, búginde qurylysy qarqyndy júrip jatqan úilerdi salý jumystary aiaqtalýǵa jaqyn, dep habarlaidy "Ult aqparat".
Atalǵan baspanalardyń 17-si – Leńgir qalasynda, 2-i – Kielitas, 22-si – Sultan-Rabat, 1-i – Yntymaq aýyldarynda salynýda. Qazirgi tańda 22 úidiń shatyry jabylyp, terezesi ornatylǵan. Ishki elektr jelisin, jylý júielerin júrgizý men ishki jáne syrtqy árleý jumystary júrip jatyr. Baspanalardyń jalpy aýmaǵy 2640 sharshy metrdi quraidy. Úilerdiń qurylysyn 9 merdiger mekeme júrgizýde.
Aita keteiik, Tólebi aýdanynda aǵymdaǵy jyldyń 13 mamyr kúni qatty jaýyn-shashyn saldarynan ózen arnalarynan asyp, birneshe úidi sý basqan edi. 42 úi jaramsyz dep tanylǵan.
