Túrkistan oblysy Tólebi aýdanynda Táýelsizdik kúnine orai jańa modýldik meditsinalyq pýnktter ashylýda, dep habarlaidy "Ult aqparat" óńir basshysynyń baspasóz qyzmetine silteme jasap.
Búgin bir mezette Táýelsizdik kúni qarsańynda zamanaýi úlgidegi modýldik meditsinalyq pýnktter Qorǵan, Áńgir-ata, Tóńkeris eldi mekenderinde ashylyp, paidalanýǵa berildi.
Aýdan basshysy B.Omarbekov jáne aýdandyq máslihattyń hatshysy N.Qoibaǵarov modýldik meditsinalyq pýnkterdiń saltanatty túrde ashylýyna qatysty. Elimizdiń Táýelsizdik merekesine orai, emdelýshiler úshin esigin aiqara ashqan modýldik meditsinalyq pýnkttiń jumysyna sáttilik tilegen aýdan ákimi barsha tólebilikterdi aitýly merekemen quttyqtady.
«Biylǵy Elbasymyz «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda eldi jańasha damý deńgeiine kóterý men jańa qarqyndy qurylymdyq reformalardy odan ári júzege asyrýǵa baǵyttap otyr. Osynyń barlyǵyna jan beretin – halyq bolyp tabylady. Sondyqtan ár adamnyń ómiri men densaýlyǵynan artyq qundylyq joq», – dedi B. Omarbekov.
Árqaisysynyń quny 30 mln teńgeni quraityn qurastyrmaly-qańqaly modýldik konstrýktsiia ádisimen salynǵan meditsinalyq pýnktter zaman talabyna sai meditsinalyq quraldarmen jabdyqtalǵan.
