Túrkistan oblysy Tólebi aýdanynda Qasqasý ózeni arnasynan asyp, aýyl arasyndaǵy kópirlerdi sý shaiyp ketti. Qasqasý aýylyndaǵy maldar sýǵa ketip, turǵyn úilerdiń aýlasyn sý basty, dep habarlaidy "Ult aqparat".
Oblystyq TJD baspasóz qyzmetiniń málimetinshe, tabiǵi apat búgin saǵat 16:30 shamasynda oryn alǵan. Qatty jaýǵan nóser jaýyn saldarynan ózendegi sý deńgeii kóterilip, jan-jaqqa jaiylǵan.
«Qasqasý ózeni tasyp, aýyl ishindegi 4 kópirdi shaiǵan. 4 tana jáne 4 qoi sýǵa ketti. Ekpindi aýylyndaǵy 4 úidiń aýlasyna sý kirdi. Oqiǵa ornyna TJD 36 jeke quram, 5 matopompa 3 dana tehnika jumyldyryldy. Ózenniń tómengi aǵysynda Tasaryq, Qazaqstan, Kóksáiek, Zertas eldimekenderi ornalasqan. Qazirgi tańda bul aýyldarda sý tasý qaýipi jáne nóser jaýyn joq» delingen habarlamada.
Al, aýdan ákimdigi tarapynan qurylǵan jedel jumys toby sýdan kelgen qaýiptiń aldyn-alý jumystaryn uiymdastyrýda.
«Oqiǵa ornyna aýdan ákimi Baýyrjan Omarbekovtiń bastamasymen qurylǵan jumys toby baryp, jaǵdai barysymen tanysty. Qasqasý aýylynyń turǵyndar úshin janama kópir arqyly ótý joldary qarastyryldy. Qazirden bastap kópirlerdi qalpyna keltirý jumystary bastaldy»
