Elbasy N.Á.Nazarbaevtyń «100 naqty qadam» Ult josparynyń 35-qadamynda aýylsharýashylyq jerlerin tiimdi paidalaný maqsatymen olardy naryqtyq ainalymǵa engizý kerektigin naqty aitqan. Sonymen qatar prezidentimiz «Qazaqstan agrarlyq sektory úlken eksporttyq múmkindikke ie jáne innovatsiiany endirýge joǵarǵy áleýetti sala bolyp tabylady. Azyq-túlikke degen qajettilik jyldan jylǵa óse beretin bolady. Bizge bul múmkindikti jiberip almai, tiimdi paidalaný kerek» - degen bolatyn.
Osy biik talaptardyń údesinen shyǵý úshin aýdanymyzda úsh negizgi keń kólemdi mindet – aýyl sharýashylyǵyndaǵy eńbek ónimdiligin arttyrý, etti mal sharýashylyǵyn damytyp eksporttaý jáne sýarmaly jerlerdiń kólemin barynsha ulǵaitý alǵa qoiyldy. Aýdanymyzdyń túkpir-túkpirinde aýyl sharýashylyǵy óndirisi keń qulash jaiyp, damý ústinde.
Tólebi aýdanynyń agrarlyq sektory zamannyń talabyna sai sharýalarǵa jańa tehnologiialardy endirý, ónimniń sapasyn arttyrý, básekelestikke jaýap berý syndy utymdy ideialarǵa bet túzep, úlken jetistikterge qol jetkizýde.
Biyl Tólebi aýdanynda sýarmaly jerlerdiń kólemin ulǵaitý boiynsha tyndyrymdy ister jasaldy. Aýdanda jalpy uzyndyǵy 90 shaqyrymnan asa kanal mehanikalyq tazalaýdan ótkizildi. Bul óz kezeginde aýdan aýyl sharýashylyǵyndaǵy eńbek ónimdiliginiń artýyna sebepshi bolatyny sózsiz.
Alataý aýyldyq okrýgindegi Qainar aýylynda keńester dáýirinde salynǵan Káýsár-1, Káýsár-2, Káýsár-3, Káýsár-4 tórt toǵan (kanal) múlde qaraýsyz qalyp sharýalar jerdiń bar áleýetin tolyq paidalana almaýda. Osy jaǵdaidy túzetý úshin biyl qazan aiynda osy 4 toǵandy qalpyna keltirý jumystary bastaldy. Kanaldar qaptap ketkep qamystardan, batpaqty uiyqtardan tazartylyp sý tosaptary (zadvijkalar) ornatyldy. Osy aidyń sońyna deiin tazalaý jumystary bitýi tiis tórt toǵan iske qosylsa, 350 gektar jer sýlandyrylatyn bolady.
