Toqtar qalai "Batyr" boldy?

Jeltoqsan oqiǵasynyń 30 jyldyǵy Astananyń «Redisson» qonaqúiinde «Qazaqstan tarihshylary qaýymdastyǵynyń» sheńberinde atalyp ótti.

Bul jiynnyń negizgi maqsaty – Jeltoqsan oqiǵasyn zertteýdi halyqaralyq saiasat, tarih, filosofiia, psihologiia jáne t.b. ǵylymdarynyń ainalymyna engizip, álemdik ǵalymnyń zertteý sýbektisine ainaldyrý eken. Alys-jaqyn 8 shet elden, elimizdiń barlyq túkpirinen ǵalymdar men saiasatkerlerdiń shaqyrylyp otyrǵan sebebi sol.

Jiynǵa quttyqtaý sózder aitqandardyń qatarynda Vengriianyń Qazaqstandaǵy elshisi Andrash Barani myrza bolyp, ol Qazaqtyń totalitarizmge qarsy jeltoqsan kóterilisine 30 jyl tolsa, Vengriianyń 1956 jylǵy tóńkerisine 60 jyl bolǵanyn atap ótti.

Qazaqtyń tuńǵysh-ǵaryshkeri Toqtar Áýbákirovtyń de quttyqtaý sózi oqyldy. Ol ózi jaqyn týysy qaitys bolǵandyqtan jiynǵa kele almapty. Batyrdyń sózinde buryn aitylmaǵan bir derek qylań berdi. 1987 jyly T.Áýbákirov Máskeýde turǵan eken. Onyń sol jyly jasaǵan erligi Batyr ataǵyna usynylyp, KSRO JK hatshysy T.Menteshashvili Jarlyqqa qol qoiý úshin Gorbachevke aparsa, «Jeltoqsan» úshin halqymyzǵa ábden óshikken qaldybai ony: «qazaqqa eshqashan da batyr ataǵy berilmeidi» dep qolymen qaǵyp jiberipti. Tek, T.Áýbákirov partiialyq esepte turǵan Máskeý qalalyq partiia komitetiniń birinshi hatshysy V.Grishinniń  tabandy túrde talap etýiniń arqasynda ǵana Toqtar aǵamyz Batyr ataǵyn alǵan kórinedi.

Sóitip, sheneýnikter óz arasynda jat túgil jaqynyna istei almaityn jaqsylyqty topyraǵyń torqa bolǵyr V.Grishin qazaqqa jasaǵan eken...  

Jaqsybai SAMRAT,

Ult portaly