Búgin, 29 tamyzda Tokiodaǵy «Daigo Fýkýriý Marý» mýzeiindeHalyqaralyq iadrolyq synaqtarǵa qarsy kúnine, sondai-aq Semei iadrolyq synaq poligonynyń jabylýynyń 29 jyldyǵyna orai arnaiy fotokórme ashyldy, dep habarlaidy "Ult aqparat" QR Syrtqy ister ministrliginiń baspasóz qyzmetine silteme jasap.
Kórme ótkizilip otyrǵan mýzei traýler «Daigo Fýkýriý-marý» esimimen atalady. Onyń ekipajy 1954 jyly 1 naýryzda Bikini atollynda amerikandyq «Kastl Bravo» sýtegi bombasyn synaý saldarynan aýyr radiatsiialyq jaraqat alǵan bolatyn.
Mereili kúnge orailastyrylǵan kórme 5 qyrkúiekke deiin sozylady.
Kórmeniń fotosýretterinde Semei poligonyndaǵy synaqtardy ótkizý tarihy men onyń barysy, sondai-aq «Nevada-Semei» antiiadrolyq qozǵalysy beinelengen.
2016 jyly Qazaqstannyń Japoniiadaǵy Elshiliginiń bastamasymen murajaida turaqty ekspozitsiia ashylyp, onda Qazaqstan Respýblikasynyń Tuńǵysh Prezidenti N.Nazarbaevtyń Semei iadrolyq poligonyn jabý týraly tarihi sheshimi tanystyrylǵan bolatyn.
Japoniia Parlamenti Ókilder palatasynyń depýtaty, burynǵy qorshaǵan ortany qorǵaý ministri Iosiaki Harada, sondai-aq Japoniia atom jáne sýtegi bombalary qurbandary konfederatsiiasynyń Tóraǵasy Terými Tanaka Halyqaralyq iadrolyq synaqtarǵa qarsy kúnine qatysty óz oilarymen bólisti. Japondyq depýtat Qazaqstannyń iadrolyq qarýsyzdaný úderisine qosqan erekshe úlesin atap ótti. Konfederatsiia Tóraǵasy QR Tuńǵysh Prezidenti N.Nazarbaevtyń jahandyq qaýipsizdikti nyǵaitýdaǵy jáne iadrosyz álem qurýdaǵy jetekshi rólin joǵary baǵalady.
.jpeg)