Tokio Olimpiadasynda tabysty óner kórsetý úshin barymdy salamyn. Bul týraly Qazaqstannyń birinshi raketkasy Elena Rybakina málim etti, dep habarlaidy QazAqparat.
Qazaqstan tennis federatsiiasy málim etkenindei, Rybakina tórt jylda bir ótetin álemdik dodaǵa alǵash ret qatyspaqshy.
- Elena, Olimpiadaǵa joldama alǵan kezde qandai kóńil-kúide boldyń?
- Árine, óte qýanyshtymyn. Osynshama ýaqyttan keiin álemniń eń basty jarysynda el namysyn qorǵaý baqyt qoi. Degenmen alda taǵy bir «Úlken dýlyǵa» týrniri – Ýimbldon jarysy bar. Ázirge soǵan daiyndalýdamyn.
- Litsenziia alamyn dep kúttiń be?
- Iá, reiting boiynsha qatysýshylardyń qataryna qosylatynymdy túsindim. Biyl Billi Djin King kýbogynda Argentinamen bolǵan matchta Qazaqstan úshin barymyzdy saldyq. Endi, mine, Olimpiadada da oinamaqshymyn.
- Endeshe, daiyndyq qandai deńgeide?
- Qazir jyl basyndaǵydan góri ózimdi jaqsy sezinýdemin. Tokioda jaǵdai qalai bolatyny jóninde kúni buryn aitý qiyn. Óitkeni onda óte ystyq bolady, jolda uzaq ushýǵa týra keledi. Oǵan qosa qatań karantindik sharalar barlyq qatysýshylarǵa ońai timeitini anyq.
- Olimpiadaǵa deiin qaida bolasyń?
- Ázirge Ýimbldon dodasynda qalai óner kórsetemin, soǵan bailanysty. Sodan keiin birneshe kúnge úige qaitamyn. Sosyn Eýropa ne úide daiyndalamyn.
