Qazirgi ýaqytta Japoniiada turaqty negizde jumys istep jatqan jáne bilim alyp júrgen Qazaqstan Respýblikasynyń 191 azamaty, sondai-aq Qytai, Mońǵoliia jáne Ózbekstannan kelgen 70-ke jýyq etnikalyq qazaq turady. Endi olar birlesip,óz uiymdaryn quryp otyr, dep habarlaidy "Ult aqparat" «Otandastar qoryna» silteme jasap.
Japoniiadaǵy qazaqtar qaýymdastyǵynyń tóraǵasy bolyp «Juntendo» ýniversitetiniń klinikasynda hirýrg bolyp jumys isteitin qandas Ábdibek Qalybek sailandy.
Búgin «Otandastar qory» KEAQ jáne Japoniia qazaqtary qaýymdastyǵy ózara yntymaqtastyq týraly memorandýmǵa onlain rejimde qol qoidy.
Memorandým aiasynda mádeni-gýmanitarlyq jobalardy iske asyrý, kásipkerler arasynda ózara bailanysty jolǵa qoiý jáne aqparattyq qoldaý jumystary josparlanýda.
Is-sharaǵa QR Japoniiadaǵy Tótenshe jáne Ókiletti Elshisi Erlan Baýdarbek-Qojataev jáne osy elde turatyn etnikalyq qazaqtar, oqyp jatqan stýdentter de qatysty.
