قازٸرگٸ ۋاقىتتا جاپونييادا تۇراقتى نەگٸزدە جۇمىس ٸستەپ جاتقان جەنە بٸلٸم الىپ جٷرگەن قازاقستان رەسپۋبليكاسىنىڭ 191 ازاماتى, سونداي-اق قىتاي, موڭعولييا جەنە ٶزبەكستاننان كەلگەن 70-كە جۋىق ەتنيكالىق قازاق تۇرادى. ەندٸ ولار بٸرلەسٸپ,ٶز ۇيىمدارىن قۇرىپ وتىر, دەپ حابارلايدى "ۇلت اقپارات" «وتانداستار قورىنا» سٸلتەمە جاساپ.
جاپونيياداعى قازاقتار قاۋىمداستىعىنىڭ تٶراعاسى بولىپ «Juntendo» ۋنيۆەرسيتەتٸنٸڭ كلينيكاسىندا حيرۋرگ بولىپ جۇمىس ٸستەيتٸن قانداس ەبدٸبەك قالىبەك سايلاندى.
بٷگٸن «وتانداستار قورى» كەاق جەنە جاپونييا قازاقتارى قاۋىمداستىعى ٶزارا ىنتىماقتاستىق تۋرالى مەموراندۋمعا ونلاين رەجيمدە قول قويدى.
مەموراندۋم اياسىندا مەدەني-گۋمانيتارلىق جوبالاردى ٸسكە اسىرۋ, كەسٸپكەرلەر اراسىندا ٶزارا بايلانىستى جولعا قويۋ جەنە اقپاراتتىق قولداۋ جۇمىستارى جوسپارلانۋدا.
ٸس-شاراعا قر جاپونيياداعى تٶتەنشە جەنە ٶكٸلەتتٸ ەلشٸسٸ ەرلان باۋداربەك-قوجاتاەۆ جەنە وسى ەلدە تۇراتىن ەتنيكالىق قازاقتار, وقىپ جاتقان ستۋدەنتتەر دە قاتىستى.
