Óskemen qalasynyń 6 jasar turǵyny Raiana Skovorodnikova búirek qaterli isigine shaldyqqan edi. Ol Japoniia astanasy Tokio qalasynda kóz jumdy.
Búldirshin uzaq ýaqyt boiy nefroblastoma (búirek obyrymen) diagnozymen aýyrǵan. Qazaqstandyqtar men álemniń basqa da turǵyndary oǵan kómektesý úshin qarajat jinaǵan.
Qyzdyń anasynyń aitýynsha, onyń qyzynyń jaǵdaiy ushaqta nasharlap ketken.
«Ushaqta qyzymnyń jaǵdaiy nasharlap ketti. Qaladaǵy aýrýhanalardyń birinde oǵan dári saldy. Ol jol boiy úige qaitqysy keletinin aitty. Ony bir emhanadan ekinshi emhanaǵa aparyp, tútik saldy. Ókpesinde suiyqtyq jinalyp qalǵan. Onyń júregi toqtap qaldy», - dep jazdy anasy Instagram paraqshasyna.
Búldirshin qyz em alýǵa úlgermei qaldy, onyń qabyldaýy 2 tamyzda edi.
Qazir oǵan qyzyn Qazaqstanǵa jetkizý úshin kómek kerek.
"Japon dárigerleri qoldan kelgenniń bárin istedi, qasynda bolýyma jaǵdai jasady. (…) Endi Raiananyń denesin Qazaqstanǵa alyp kelýmen ainalysamyn. Qansha ýaqyt keterin bilmeimin, úige qaitqymyz keledi", — dep jazady qyzdyń anasy Ekaterina Kirchenko áleýmettik jelide.
Áiel adam atap ótkendei, Qazaqstannyń konsýldary máiitti jetkizýge járdemdespek eken.
"Bireýler: "Sol jaqta jerleńder", — deidi. Oǵan jol bere almaimyn: bul jerde adamdy jerlemeidi, máiitin órteidi, munda tipti musylmandar da az. Olai ete almaimyn", — deidi Ekaterina Kirchenko.
Syrtqy ister ministrliginiń baspasóz qyzmeti qyzdyń qazasy týraly aqparatty rastap, Tokiodaǵy konsýl búldirshinniń máiitin Qazaqstanǵa jetkizýge qajet qujattardy rásimdep jatqanyn habarlady.
