Politsiia Tokio Olimpiadasyna jumys isteý úshin AQSh pen Ulybritaniiadan kelgen tórt elektrik kokain qoldandy degen kúdikpen qamaýǵa alynǵanyn málimdedi, dep habarlaidy "Ult aqparat" Kyodo agenttigine silteme jasap.
Eki britandyq jáne eki amerikalyq Japoniiaǵa aqpan-mamyr ailary aralyǵynda Tokio oiyndary ótetin oryndardaǵy elektr generatorlaryna tehnikalyq qyzmet kórsetý úshin kelgen.
Politsiianyń habarlaýynsha, 2 shildede tórteýi de keshki saǵat 20.00-den bastap el astanasyndaǵy Roppongi aýdany ortalyǵyndaǵy barda ishimdik ishken. Odan shyqqannan keiin, kúdiktilerdiń biri ruqsatsyz jaqyn mańdaǵy páterge kirgen.
Tártip saqshylarynyń sózine qaraǵanda, tórteýine júrgizilgen esirtki synaǵy kokain qoldanýdy anyqtady.
Seisenbide ótken baspasóz máslihatynda Olimpiada ministri Tamaio Marýkava: «eger olardyń qylmysy rastalsa, bul oiyndar imidjine nuqsan keltiretin oqiǵa. Bul shynymen de ókinishti»,- dep atap ótti.
Kúdikke ilingenderdiń tórteýi de Tokioda ornalasqan Aggreko Events Services Japan, sheteldik elektr generatorlar firmasynyń jergilikti enshiles kásipornynyń qyzmetkerleri.
Kompaniia bulardyń qyzmetinen bosatylǵanyn habaarlady.
Oiyndardy uiymdastyrýshylar Aggreko Events Services Japan kompaniiasyna aldaǵy ýaqytta mundai keleńsiz jaǵdailardy boldyrmaýdy eskertti.
