پوليتسييا توكيو وليمپياداسىنا جۇمىس ٸستەۋ ٷشٸن اقش پەن ۇلىبريتانييادان كەلگەن تٶرت ەلەكتريك كوكاين قولداندى دەگەن كٷدٸكپەن قاماۋعا الىنعانىن مەلٸمدەدٸ, دەپ حابارلايدى "ۇلت اقپارات" كyodo اگەنتتٸگٸنە سٸلتەمە جاساپ.
ەكٸ بريتاندىق جەنە ەكٸ امەريكالىق جاپونيياعا اقپان-مامىر ايلارى ارالىعىندا توكيو ويىندارى ٶتەتٸن ورىندارداعى ەلەكتر گەنەراتورلارىنا تەحنيكالىق قىزمەت كٶرسەتۋ ٷشٸن كەلگەن.
پوليتسييانىڭ حابارلاۋىنشا, 2 شٸلدەدە تٶرتەۋٸ دە كەشكٸ ساعات 20.00-دەن باستاپ ەل استاناسىنداعى روپپونگي اۋدانى ورتالىعىنداعى باردا ٸشٸمدٸك ٸشكەن. ودان شىققاننان كەيٸن, كٷدٸكتٸلەردٸڭ بٸرٸ رۇقساتسىز جاقىن ماڭداعى پەتەرگە كٸرگەن.
تەرتٸپ ساقشىلارىنىڭ سٶزٸنە قاراعاندا, تٶرتەۋٸنە جٷرگٸزٸلگەن ەسٸرتكٸ سىناعى كوكاين قولدانۋدى انىقتادى.
سەيسەنبٸدە ٶتكەن باسپاسٶز مەسليحاتىندا وليمپيادا مينيسترٸ تامايو مارۋكاۆا: «ەگەر ولاردىڭ قىلمىسى راستالسا, بۇل ويىندار يميدجٸنە نۇقسان كەلتٸرەتٸن وقيعا. بۇل شىنىمەن دە ٶكٸنٸشتٸ»,- دەپ اتاپ ٶتتٸ.
كٷدٸككە ٸلٸنگەندەردٸڭ تٶرتەۋٸ دە توكيودا ورنالاسقان Aggreko Events Services Japan, شەتەلدٸك ەلەكتر گەنەراتورلار فيرماسىنىڭ جەرگٸلٸكتٸ ەنشٸلەس كەسٸپورنىنىڭ قىزمەتكەرلەرٸ.
كومپانييا بۇلاردىڭ قىزمەتٸنەن بوساتىلعانىن حاباارلادى.
ويىنداردى ۇيىمداستىرۋشىلار Aggreko Events Services Japan كومپانيياسىنا الداعى ۋاقىتتا مۇنداي كەلەڭسٸز جاعدايلاردى بولدىرماۋدى ەسكەرتتٸ.
