Shymkent qalasynda áielder arasynda bokstan el chempionatynyń finaldyq básekesi ótip jatyr, dep habarlaidy "Ult aqparat".
Áielder arasynda sharshy alańǵa alǵashqy bolyp shyqqan Jambyl oblysynyń ókili Alýa Balqybekova 48 kg salmaqta elordalyq Arailym Maratty jeńip, chempion atandy.
Olimpiadalyq salmaq bolyp esepteletin 51 kelide almatylyq Nazym Qyzaibai sharshy alańdaǵy negizgi qarsylasy, shymkenttik Angelina Lýkastan basym túsip, jeńis tuǵyryna kóterildi.
Taǵy bir olimpiadalyq salmaq – 57 kelide qostanailyq Vladislava Kýhta tájiribeli qarsylasy, qaraǵandylyq Aijan Hodjabekovany utyp, jeńimpaz atandy.
54 kg salmaqta Almaty oblysynyń ókili Balaýsa Muzdimandy utqan aqmolalyq Dina Jolaman onynshy márte el chempiony atandy.
Qazaqstan tarihynda qyzdar arasynda tuńǵysh ret álem chempiony atanyp, sodan keiin taǵy bir márte top jarsa da, N. Qyzaibaiǵa buǵan deiin olimpiadaǵa qatysý baqyty buiyrmaǵan edi.
Nazym jekpe-jekten keiingi suhbatynda Tokio olimpiadasynyń joldamasyn jeńip alyp, el mereiin ústem etý úshin baryn salatynyn málimdedi.
Finaldyq báseke odan ári jalǵasýda.
