Juma kúni Tokio Olimpiadasy oiyndaryn uiymdastyrý komitetiniń basshysy Seiko Hasimoto Japoniia astanasy men eldiń ózge jerlerinde koronavirýs juqtyrǵandar sanynyń kúrt óskenine qaramastan oiyndardyń ótkiziletetinin málimdedi, dep habarlaidy Kyodo News agenttigi.
«Men oiyndardy ótkizbeý týraly oilaǵan joqpyn. Biz qaýipsizdik boiynsha sharalardy qabyldap, Olimpiada oiyndaryn ótkizýdi kózdep otyrmyz», - dedi Hashimoto baspasóz máslihatynda.
Japoniiada COVID-19 virýsyn juqtyrýdyń táýliktik kórsetkishi qaita ósip keledi. Bul rette densaýlyq saqtaý salasynyń sarapshylary koronavirýstyń jańa nusqalarynyń paida bolýynan týyndaǵan infektsiialardyń «tórtinshi tolqyny» eldiń meditsina salasyna odan da úlken júkteme salyp otyrǵanyn eske salyp otyr.
Japoniia úkimeti men basqa uiymdastyrý organdary qazirdiń ózinde Tokiodaǵy Olimpiada jáne Paralimpiada oiyndaryn kórermenniń qatysýynsyz ótkizý sheshimin qabyldady.
Olimpiada oiyndarynyń ashylý saltanatyna deiin 100 kúnnen az ýqyt qaldy, al Japoniiada oiyndardy pandemiia jaǵdaiynda ótkizý boiynsha qoǵamdyq qoldaý tómen bolyp otyr: Kyodo News-tiń taiaýda júrgizgen saýalnamasynda respondentterdiń 39,2 paiyzy oiyndardy ótkizbeý kerek ekenin aitsa, taǵy 32,8 paiyzy olardy keiinge qaldyrý kerek degen pikir qaldyrǵan.
Hashimoto oiyndardyń sátti ótýi komitettiń sportshylar men kórermenderdiń qaýipsizdigin qamtamasyz etýine bailanysty ekenin atap ótti.
